ദിലീപിനുവേണ്ടി ജോഷിയും നാദിര്‍ഷയും അരുണ്‍ ഗോപിയും
വമ്പന്‍ പ്രൊജക്ടുകളുമായി ദിലീപ് വീണ്ടും മലയാള സിനിമയില്‍ നിറയുകയാണ്. രാമലീലയ്ക്കും കമ്മാരസംഭവത്തിനും ശേഷം ഇപ്പോള്‍ എടുത്തിരിക്കുന്ന ഈ ഇടവേള ഉടന്‍ അവസാനിക്കും. ബി ഉണ്ണികൃഷ്ണന്‍ സംവിധാനം ചെയ്യുന്ന ‘കോടതി സമക്ഷം ബാലന്‍ വക്കീല്‍’ ആണ് ദിലീപിന്‍റെ ഉടന്‍ റിലീസ് ആകുന്ന സിനിമ.
രാമചന്ദ്രബാബു സംവിധാനം ചെയ്യുന്ന ബിഗ് ബജറ്റ് 3ഡി സിനിമ ‘പ്രൊഫസര്‍ ഡിങ്കന്‍’ ഇനിയും ഷൂട്ടിംഗ് ഷെഡ്യൂളുകള്‍ ബാക്കിയുണ്ട്. ഒരു വടക്കന്‍ സെല്‍ഫി സംവിധാനം ചെയ്ത പ്രജിത്ത് ഒരുക്കുന്ന അടുത്ത സിനിമയിലും ദിലീപ് ആണ് നായകന്‍.
ജോഷി, നാദിര്‍ഷ, അരുണ്‍ ഗോപി എന്നിവരുടെ പ്രൊജക്ടുകളും ദിലീപ് ഏറ്റിട്ടുണ്ട്. ‘വാളയാര്‍ പരമശിവം’ ചെയ്യാനാണ് ജോഷി ആഗ്രഹിക്കുന്നത്. ഉദയ്കൃഷ്ണ തിരക്കഥയെഴുതും.
നാദിര്‍ഷയും അരുണ്‍ ഗോപിയും ചെയ്യുന്നതും ബിഗ് ബജറ്റ് സിനിമകളാണ്. നാദിര്‍ഷയുടേത് കോമഡിച്ചിത്രവും അരുണ്‍ ഗോപിയുടേത് ഫാമിലി ആക്ഷന്‍ മൂവിയുമാണ്.
