തെരഞ്ഞെടുപ്പിലെ കളികള്‍, ഷങ്കര് ചിത്രം തുടങ്ങുന്നു
WEBDUNIA|
PRO
ഇന്ത്യന്‍ സിനിമയിലെ നമ്പര്‍ വണ്‍ സംവിധായകന്‍ ഷങ്കറിന്‍റെ അടുത്ത പ്രൊജക്ടിന്‍റെ ഷൂട്ടിംഗ് ജൂലൈ 15ന് ആരംഭിക്കും. ‘തേര്തല്’ എന്ന് പേരിട്ടിരിക്കുന്ന സിനിമ ഇന്ത്യയിലെ തെരഞ്ഞെടുപ്പ് രാഷ്ട്രീയവും അതിനുപിന്നിലെ കളികളുമാണ് പ്രമേയമാക്കുന്നത്. വിക്രം നായകനാകുന്ന ചിത്രത്തില്‍ സാമന്ത നായികയാകുന്നു.
എല്ലാ ഷങ്കര് ചിത്രങ്ങളെയും പോലെ തേര്‍തലിന്‍റെ ഷൂട്ടിംഗ് ആരംഭിക്കുന്നതും ഒരു ഗാനചിത്രീകരണത്തോടെയാണ്. വിക്രമും സാമന്തയും ആയിരത്തോളം ജൂനിയര്‍ ആര്‍ട്ടിസ്റ്റുകളും പങ്കെടുക്കുന്ന ഗാനരംഗമാണ് ആദ്യം ചിത്രീകരിക്കുക. എ ആര്‍ റഹ്‌മാന്‍ സംഗീതം നിര്‍വഹിക്കുന്ന ചിത്രത്തിന്‍റെ ക്യാമറാമാന്‍ പി സി ശ്രീറാം. നിര്‍മ്മാണം ആസ്കാര്‍ രവിചന്ദ്രന്‍.
ഈ ചിത്രത്തില്‍ അഭിനയിക്കാന്‍ വേണ്ടി സാമന്ത മണിരത്നം ചിത്രം ഉപേക്ഷിച്ചു. മാസങ്ങളോളം ഈ സിനിമയുടെ ചിത്രീകരണത്തില്‍ പങ്കെടുക്കേണ്ടതിനാല്‍ മറ്റൊരു സിനിമയ്ക്കും സാമന്ത ഇപ്പോള്‍ ഡേറ്റ് നല്‍കുന്നില്ല. ഷങ്കര് ചിത്രം പൂര്‍ത്തിയായതിന് ശേഷമേ സാമന്ത ഇനി മറ്റൊരു പ്രൊജക്ടിന്‍റെ ഭാഗമാകൂ.
അന്യന്‍ എന്ന മെഗാഹിറ്റിന് ശേഷം ഷങ്കറും വിക്രമും ഒന്നിക്കുന്ന ചിത്രമാണ് തേര്തല്. സൂപ്പര്‍ഹിറ്റ് തിരക്കഥാകൃത്തുക്കളായ സുബയാണ് ചിത്രത്തിന് സംഭാഷണം രചിക്കുന്നത്.
