മമ്മൂട്ടി ‘നന്‍‌മയില്‍ ഗോപാലന്‍’ കഥാപാത്രങ്ങളോട് തല്‍ക്കാലം വിടപറയുന്നു. ബാവുട്ടിയും ഇമ്മാനുവലും തല്‍ക്കാലം മാറിനില്‍ക്കട്ടെ. ഇനിയൊരു അടിപൊളി ആക്ഷന്‍ കഥാപാത്രം. തീപ്പൊരി ഡയലോഗുകളും ഗണ്‍ ഫയറും സൂപ്പര്‍ ആക്ഷന്‍ രംഗങ്ങളുമുള്ള ഒരു സിനിമയ്ക്ക് മമ്മൂട്ടി തയ്യാറെടുക്കുകയാണ്.
ആഷിക് അബു സംവിധാനം ചെയ്യുന്ന ‘ഗ്യാംഗ്സ്റ്റര്’ എന്ന സിനിമയിലാണ് മമ്മൂട്ടി അധോലോക നായകനാകുന്നത്. മലയാള സിനിമയില്‍ ഇതുവരെ ഉണ്ടായിട്ടുള്ള അധോലോക ത്രില്ലറുകളെയെല്ലാം മറികടക്കുന്ന ഒരു ഗംഭീര സിനിമയ്ക്കാണ് ആഷിക് അബുവും മമ്മൂട്ടിയും ഒരുങ്ങുന്നത്.
ഈ ചിത്രത്തില്‍ മമ്മൂട്ടിയുടെ നായിക റിമ കല്ലിങ്കലാണ്‌. നേരത്തേ മീരാ ജാസ്മിനെ നായികയായി നിശ്ചയിച്ചതായി റിപ്പോര്‍ട്ടുകളുണ്ടായിരുന്നു. എന്നാല്‍ ഇപ്പോള്‍ ലഭിക്കുന്ന വിവരം, മീരയെ ചിത്രത്തില്‍ നിന്ന് ഒഴിവാക്കി റിമയെ നായികയാക്കി നിശ്ചയിച്ചു എന്നാണ്.
‘സോള്‍ട്ട് ആന്‍റ് പെപ്പര്‍’ ഫെയിം അഹമ്മദ് സിദ്ദിക്കി ആണ് ഗ്യാംഗ്സ്റ്ററിന്‍റെ തിരക്കഥ രചിക്കുന്നത്.
