ധൂം 3 ഏക്കാലത്തെയും വലിയ പണംവാരി പടം; അഞ്ചു ദിവസം കൊണ്ട് വാരിക്കൂട്ടിയത് 233 കോടി!
മുംബൈ|
WEBDUNIA|
PRO
PRO
ആമിര്‍ഖാനും അഭിഷേക് ബച്ചനും ആദ്യമായി ഒരുമിച്ച ധൂം 3 കളക്‍ഷനില്‍ തകര്‍ക്കുന്നു. ലോകമാകമാനം ആദ്യ അഞ്ചു ദിവസത്തിനുള്ളില്‍ ചിത്രം വാരിക്കൂട്ടിയത് 233.57 കോടിയാണ്. ഇന്ത്യയില്‍ തന്നെ ചിത്രം 250 കോടി കളക്ഷന് കടക്കുമെന്നാണ് റിപ്പോര്‍ട്ട്. അങ്ങനെ സംഭവിച്ചാല്‍ ബോളിവുഡിലെ ഏക്കാലത്തെയും വലിയ പണംവാരി പടമാകും ധൂം 3. സിനിമ കളക്ഷന് റെക്കോര്‍ഡുകള്‍ ഭേദിച്ച് പ്രയാണം തുടരുകയാണ്.
ആദ്യത്തെ മൂന്ന് ദിവസങ്ങള്‍ കൊണ്ട് 108.58 കോടി രൂപ നേടിയപ്പോള്‍ ഭേദിക്കപ്പെട്ടത് ഇന്ത്യന്‍ സിനിമയിലെ സര്‍വകാല റെക്കോര്‍ഡ് ആണ്. ഷാറൂഖ് ഖാന്റെ ചെന്നൈ എക്‌സപ്രസ്സിനേയും ഹൃത്വിക് റോഷന്റെ ക്രിഷ് 3യുടേയും കളക്ഷന് റെക്കോര്‍ഡുകളെ ആമിറിന്റെ ധൂം 3 ഇതിനകം തന്നെ ഭേദിച്ചുകഴിഞ്ഞു.
4500 തീയേറ്ററുകളിലാണ് സിനിമ റിലീസ് ചെയ്തത്. ആദ്യ ദിനം മാത്രം 36.22 കോടി രൂപയാണ് കളക്ഷന് നേടിയത്. തമിഴിലും തെലുങ്കിലും സിനിമ റിലീസ് ചെയ്തിട്ടുണ്ട്.
