മമ്മൂട്ടി - രഞ്ജിത്ത് ടീമിന്‍റെ ‘കടല്‍ കടന്ന് ഒരു മാത്തുക്കുട്ടി’ പരാജയത്തിലേക്ക് നീങ്ങുകയാണ്. ഹിറ്റ് ചാര്‍ട്ടില്‍ ആറാം സ്ഥാനത്താണ് ഈ സിനിമ. സമീപകാലത്ത് ഒരു മമ്മൂട്ടിച്ചിത്രം നേരിടുന്ന ഏറ്റവും വലിയ തിരിച്ചടിയാണ് ഈ സിനിമയ്ക്ക് ലഭിക്കുന്നത്. പ്രേക്ഷകരും നിരൂപകരും കൈവിട്ട ഈ സിനിമ രഞ്ജിത്തിന്‍റെ ഏറ്റവും മോശം സിനിമകളുടെ ഗണത്തിലാണ് ഉള്‍പ്പെട്ടിരിക്കുന്നത്. പക്ഷേ വലിയ സാറ്റലൈറ്റ് റൈറ്റ് ലഭിച്ചതിന്‍റെ പശ്ചാത്തലത്തില്‍ സിനിമ ലാഭമാകാനാണ് സാധ്യത.
