Last Updated:
വ്യാഴം, 11 ഓഗസ്റ്റ് 2016 (18:07 IST)
നയന്‍‌താര തെന്നിന്ത്യയുടെ താരറാണിയാണ്. അക്കാര്യത്തില്‍ ആര്‍ക്കും ഒരു സംശയവുമില്ല. തെന്നിന്ത്യയില്‍ നായികമാരില്‍ ഒരു സൂപ്പര്‍താരമുണ്ടെങ്കില്‍ അത് നയന്‍‌സാണ്. ആ പ്രൊഫഷണലിസവും അഭിനയമികവും അച്ചടക്കവും ആരെയും അവരുടെ ഫാനാക്കി മാറ്റും.
എന്നാല്‍ ഈയിടെയായി തന്റെ ഡേറ്റ് ആവശ്യപ്പെട്ട് വരുന്നവര്‍ക്ക് മുമ്പില്‍ ഒട്ടേറെ നിബന്ധനകള്‍ നയന്‍‌താര വയ്ക്കുന്നതായാണ് വിവരം. ഡേറ്റൊക്കെ തരാം പക്ഷേ സിനിമയുടെ പ്രൊമോഷനുമായി ബന്ധപ്പെട്ട ഒരു പരിപാടിക്കും വരില്ല എന്നതാണ് അവയില്‍ ഏറ്റവും പ്രധാനപ്പെട്ട നിബന്ധന. ഓഡിയോ ലോഞ്ച്, പ്രൊമോഷണല്‍ പരിപാടികള്‍, ഇന്‍റര്‍‌വ്യൂകള്‍ എന്നിങ്ങനെ ഒരു പരിപാടിക്കും തന്നെ കിട്ടില്ല എന്ന് താരം മുഖത്തുനോക്കി പറയുന്നതായാണ് വിവരം.
ഒരു പ്രൊമോഷനും വന്നില്ലെങ്കിലും വേണ്ടില്ല, ഡേറ്റ് തന്നാല്‍ മതിയെന്നാണത്രേ നിര്‍മ്മാതാക്കളും സംവിധായകരും നയന്‍‌താരയോട് പറയുന്നത്. കാരണം, നയന്‍സ് ഡേറ്റ് തന്നാല്‍ തന്നെ സിനിമയ്ക്ക് മിനിമം ഗ്യാരണ്ടിയാകുമല്ലോ!
