വത്യസ്തമായ കഥാപാത്രങ്ങള്‍ അവതരിപ്പിക്കാന്‍ എത്രവലിയ വെല്ലുവിളി സ്വീകരിക്കാനും നടന്‍ വിക്രമിന് മടിയില്ല. പുതിയ ചിത്രമായ ഇരുമുഖനിലും നടനെന്ന നിലയില്‍ വലിയൊരു വെല്ലുവിളിയാണ് വിക്രം ഏറ്റെടുത്തിരിക്കുന്നത്. താരം രണ്ട് സ്റ്റൈലിഷ് ഗെറ്റപ്പിലെത്തുന്ന ചിത്രത്തിലെ ഒരു കഥാപാത്രം ഒരു ട്രാന്‍സ്‌ജെന്‍ഡറുടെതാണ്. അല്‍പം നിഗൂഡത കലര്‍ന്ന ഇരുമുഖന്റെ പുതിയ ട്രെയിലറിലാണ് വിക്രമിന്റെ ട്രാന്‍സ്‌ജെന്‍ഡര്‍ കഥാപാത്രം തിരശീലയ്ക്ക് മുന്നിലെത്തിയത്.

വിക്രം- നയന്‍താര ജോഡികള്‍ ആദ്യമായി ഒന്നിക്കുന്ന ഇരുമുഖനിലും നിത്യാമേനോനും ഒരു പ്രധാന കഥാപാത്രത്തെ അവതരിപ്പിക്കുന്നു. ആനന്ദ് ശങ്കറാണ് ഈ സയന്‍സ് ഫിക്ഷന്‍ ചിത്രത്തിന്റെ സംവിധാനം. ഷിബു തമീന്‍സ് ആണു ചിത്രം നിര്‍മ്മിക്കുന്നത്. ഹാരിസ് ജയരാജ് സംഗീത സംവിധാനവും ആര്‍ഡി രാജശേഖര്‍ ഛായാഗ്രഹണവും നിര്‍വ്വഹിക്കുന്നു.