പേളിഷ് കുടുംബത്തിന് നിരവധി ആരാധകരുണ്ട്. എല്ലാവരുടെയും കണ്ണുകള്‍ ഇളയ കുഞ്ഞിലേക്കാണ്. ജനിച്ചിട്ട് ഒരുമാസം പിന്നിടുമ്പോഴും കുട്ടിയെ കുറിച്ച് ഒരു വിവരവും പങ്കുവയ്ക്കാന്‍ താരകുടുംബം ആഗ്രഹിക്കുന്നില്ല. അതിനിടെയാണ് രണ്ടാമതും അച്ഛനായി മാറിയ ശ്രീനിഷിന്റെ സോഷ്യല്‍ മീഡിയയിലെ പോസ്റ്റ്. ഇളയ കുഞ്ഞിന്റെ കുഞ്ഞിക്കാലുകള്‍ ചേര്‍ത്തുവച്ചുകൊണ്ടുള്ള ചിത്രമായിരുന്നു ഇത്. കുഞ്ഞിനെ കുറിച്ച് അറിയുവാനായി കമന്റ് ബോക്‌സില്‍ ആരാധകര്‍ ഓടിയെത്തി.

നിലുകുട്ടിയെ കാണിച്ചപോലെ രണ്ടാമത്തെ കുഞ്ഞിനെ അധികം ഒന്നും കാണിക്കുന്നില്ലല്ലോ എന്നാണ് അവരുടെയെല്ലാം പരാതി. എല്ലാവരും കുട്ടിയുടെ മുഖം കാണുവാനായി കാത്തിരിക്കുകയാണ്. ഇതിനു പിന്നാലെ പേളി തന്നെ കുട്ടിയുടെ വിശേഷങ്ങളുമായി രംഗത്തെത്തി.താരം ഒരു വീഡിയോ തന്നെ പങ്കുവെച്ചിട്ടുണ്ട് . കുഞ്ഞിന്റെ മുഖം കാണിക്കാതെ കൈയും കാലും ഉള്‍പ്പെടുത്തിക്കൊണ്ടുള്ള മനോഹരമായ വീഡിയോയാണിത്. ഇതിന്റെ കൂടെ ഒരു കുറിപ്പും പേളി എഴുതിയിട്ടുണ്ട്.

ആദ്യത്തെ കുഞ്ഞായ നില എങ്ങനെയാണോ അതില്‍ നിന്ന് വ്യത്യസ്തയാണ് രണ്ടാമത്തെ കുട്ടി എന്നാണ് പേളി പറയുന്നത്. അമ്മയും കുട്ടിയും വിശ്രമിക്കാനുള്ള സമയമാണിത്, ആ സമയത്താണ് കുട്ടിയും അമ്മയും കൂടുതല്‍ ബന്ധിപ്പിക്കുന്നത് എന്നും നടി പറയുന്നു.

'അമ്മയും കുഞ്ഞും പരസ്പരം ബന്ധിപ്പിക്കുന്ന സമയമാണിത്... പരസ്പരം മനസ്സിലാക്കുക... കാരണം നില എങ്ങനെയായിരുന്നോ അതില്‍ നിന്ന് അവള്‍ വളരെ വ്യത്യസ്തയാണ്.കാരണം അവള്‍ തികച്ചും വ്യത്യസ്തമാണ്. അവളെ കാണുമ്പോള്‍ ഞാന്‍ കൂടുതല്‍ വിശദാംശങ്ങള്‍ കാണുന്നു... എന്റെ സഹജാവബോധം എന്നെ നയിക്കുന്നു... നമ്മുടെ എല്ലാ ഇന്ദ്രിയങ്ങളും ചെറിയവനെ കേന്ദ്രീകരിക്കുമ്പോള്‍... അതാണ് ആജീവനാന്ത ബന്ധത്തിലേക്കുള്ള ആദ്യ ചുവടുവയ്പ്പ്... ഏറ്റവും വിലയേറിയ ബന്ധം... അമ്മയും മകളും',-പേളി എഴുതി.