ട്രോളന്മാർക്ക് ചാകരയായി വീണ്ടും 'ഒരു അഡാർ ലൗവ്'. എന്നാൽ ഇപ്പോൾ പ്രിയ പി വാര്യരേക്കാൾ ട്രോളന്മാർ പിടിച്ചിരിക്കുന്നത് റോഷനെയാണ്. ഇരുവരും തമ്മിലുള്ള ഒരു ലിപ് ലോക്ക് സീൻ ഉൾപ്പെടുന്ന ടീസർ കഴിഞ്ഞ ദിവസം ചിത്രത്തിന്റെ അണിയറപ്രവർത്തകർ പുറത്തുവിട്ടിരുന്നു.

ഒരു മിനിറ്റ് ദൈർഖ്യമുള്ള ടീസറിലാണ് ലിപ് ലോക്ക് ഉള്ളത്. ലിപ്‌ലോക്ക് സീൻ ഇപ്പോൾ വൈറലായിരിക്കുന്നത്. ഇതെന്ത് ലിപ്‌ലോക്ക് എന്നാണ് ആളുകൾ ചോദിക്കുന്നത്. ട്രോളന്മാർ നിരവധി ട്രോളുകളുമായി സോഷ്യൽ മീഡിയയിൽ എത്തിയപ്പോൾ അതിന് നിരവധി കമന്റുകളും വന്നിട്ടുണ്ട്.

ലിപ്‌ലോക്ക് കണ്ട ടോവിനോയുടെയും ഇംരാൻ ഹാഷ്‌മിയുടേയും അവസ്ഥയേക്കുറിച്ച് വരെ ട്രോളന്മാർ പറയുന്നുണ്ട്. അതിന് കമന്റുകളായി വവ്വാൽ വാഴക്കൂമ്പ് ചപ്പുന്നതു പോലെ എന്നും മിച്ചർ പാക്കറ്റ് പൊട്ടിക്കുന്നത് പോലെ എന്നുമൊക്കെ പറയുന്നവരും ഉണ്ട്.