തന്നെ സ്വപ്നം കാണാൻ പഠിപ്പിച്ചതും തനിക്ക് പ്രചോദനമായതും ഒരു യുവതാരമാണെന്ന് ടോവിനോ തോമസ്. പൊതുവെ ഇക്കാര്യങ്ങൾ വരുമ്പോൾ മമ്മൂട്ടി, മോഹൻലാൽ എന്നീ നടന്മാരുടെ പേരാകും പലരും പറയുക. എന്നാൽ, ടോവിനോ തോമസ് വ്യത്യസ്തനാണ്. പൃഥ്വിരാജ് സുകുമാരൻ എന്ന പേരാണ് ടോവിനോ പറഞ്ഞിരിക്കുന്നത്. ഏതൊക്കെയോ പോയിന്റിൽ തന്നെ കൂടുതൽ സ്വപ്നം കാണാൻ പഠിപ്പിച്ചതും, പ്രചോദനമായതും പൃഥ്വിരാജ് ആണെന്ന് തുറന്നു പറഞ്ഞിരിക്കുകയാണ് ടോവിനോ തോമസ്.

പൃഥ്വിരാജിൽ നിന്നുമാണ് അത്തരമൊരു പ്രചോദനം തനിക്ക് കിട്ടിയതെന്നാണ് ടോവിനോ പറയുന്നത്. അജയന്റെ രണ്ടാം മോഷണം റിലീസ് ആകുന്നതിന് മുന്നേ പൃഥ്വിരാജിനെ കാണിക്കണമെന്ന് തനിക്ക് ആഗ്രഹമുണ്ടായിരുന്നുവെന്നും സമയം കിട്ടിയാൽ സിനിമ കാണണമെന്ന് പൃഥ്വിരാജിനോട് താൻ പറഞ്ഞിരുന്നുവെന്നും ടോവിനോ പറയുന്നു. കാൻ മീഡിയയോട് സംസാരിക്കുകയായിരുന്നു അദ്ദേഹം.

അതേസമയം, പൃഥ്വിരാജ് നായകനായ സെവൻത് ഡേ, എന്ന് നിന്റെ മൊയ്തീൻ എന്നീ സിനിമകളിലൂടെ സഹനടനായി തിളങ്ങിയ ടൊവിനോ തോമസിനെ നായകനാക്കിയ ചിത്രമാണ് ഗപ്പി. ചിത്രം പരാജയപ്പെട്ടെങ്കിലും പിന്നാലെ ഇറങ്ങിയ ഒരു മെക്സിക്കൻ അപാരതയിലൂടെ ടോവിനോയിലെ സ്റ്റാറിനെ പ്രേക്ഷകർ സ്വീകരിക്കുകയായിരുന്നു. അവിടം മുതൽ തുടങ്ങിയ 'സ്റ്റാർ' യാത്ര ഇന്ന് അജയന്റെ രണ്ടാം മോക്ഷണത്തിൽ എത്തി നിൽക്കുന്നു.