നടന്‍ സിദ്ദിഖിനെതിരെ വീണ്ടും നടി രേവതി സമ്പത്ത്. നടിയെ ആക്രമിച്ച കേസുമായി ബന്ധപ്പെട്ട് സിദ്ദിഖിന്റെ പേരും ഉയര്‍ന്നുകേട്ട സാഹചര്യത്തിലാണ് രേവതി താരത്തിനെതിരെ രംഗത്തെത്തിയിരിക്കുന്നത്. നേരത്തെ സിദ്ദിഖിനെതിരെ മീ ടു ആരോപണം ഉന്നയിച്ച നടിയാണ് രേവതി സമ്പത്ത്. നടിയെ ആക്രമിക്കാന്‍ പദ്ധതിയിടുമ്പോള്‍ ദിലീപിനൊപ്പം സിദ്ദിഖും ഉണ്ടായിരുന്നു എന്ന് കേസില്‍ മുഖ്യപ്രതിയായ പള്‍സര്‍ സുനി എഴുതിയ കത്തില്‍ പറയുന്നുണ്ടെന്നാണ് ഇന്ന് പുറത്തുവന്ന വാര്‍ത്ത. ഇതിന്റെ സ്‌ക്രീന്‍ഷോട്ട് അടക്കം പങ്കുവച്ചാണ് സിദ്ദിഖിനെതിരെ രേവതി രംഗത്തെത്തിയിരിക്കുന്നത്.

'അതെ തീര്‍ച്ചയായും...സിദ്ദിഖ് ഒരു ഭൂലോക ഫ്രോഡ് ആണ്. ഇയാളൊക്കെ ഇന്നും ഇറങ്ങുന്ന എല്ലാ സിനിമയിലും ഉണ്ട്. ഇങ്ങനെ ഉള്ളവന്മാരെയൊക്കെ കല എന്ന ഇടത്തില്‍ നിന്നും എടുത്തെറിയേണ്ട സമയം ഒക്കെ എത്രയോ കഴിഞ്ഞിരിക്കുന്നു. പല സിദ്ദിക്കുമാര്‍ ഇന്നും ആ ഇടത്തില്‍ ആക്റ്റീവ് ആയി നില്‍ക്കുന്നതില്‍ തന്നെ ആ ഇടം എത്രമാത്രം അബ്യൂസീവ് സ്പേസ് ആണെന്ന് മനസ്സിലാക്കാം..' രേവതി കുറിച്ചു.