അനുബന്ധ വാര്ത്തകള്
- ആ 7 നടന്മാർ ഫീൽഡ് ഔട്ട് ആയവർ? വിമർശകർക്ക് നടൻ പ്രശാന്ത് അലക്സാണ്ടറിന്റെ കിടിലൻ മറുപടി
- 2025 ലെ ആദ്യ ഹിറ്റല്ല, ഏറ്റവും വലിയ പരാജയം; 30 കോടി മുടക്കിയ ടൊവിനോ ചിത്രം 'ഐഡന്റിറ്റി'യുടെ കേരള ഷെയർ ഇങ്ങനെ
- നിരനിരയായി ഫ്ലോപ്പുകൾ, നഷ്ടം നികത്താൻ വീട് വിറ്റ് അക്ഷയ് കുമാർ; ഒടുവിൽ റിയൽ സ്റ്റേറ്റിലൂടെ ലാഭം
- ജൂൺ ഒന്ന് മുതൽ സംസ്ഥാനത്ത് സിനിമ സമരം
- സോനു സൂദിനെ അറസ്റ്റ് ചെയ്യാൻ കോടതി ഉത്തരവ്
കൈതി 2; കാർത്തിക്ക് നായിക രജീഷ വിജയൻ, ദില്ലിയുടെ കാമുകി?
സിനിമ പ്രേമികൾ ഏറെ ആവേശത്തോടെ കാത്തിരിക്കുന്ന ചിത്രങ്ങളിൽ ഒന്നാണ് 'കൈതി 2'. ലോകേഷ് കനകരാജ് സംവിധാനം ചെയ്ത കൈതിയുടെ രണ്ടാം ഭാഗമാണിത്. ആദ്യഭാഗത്തിന് കേരളത്തിലും ആരാധകർ ഏറെയാണ്. സിനിമയുടെ ഓരോ അപ്ഡേറ്റിനും വലിയ സ്വീകാര്യതയാണ് സിനിമാപ്രേമികളിൽ നിന്ന് ലഭിക്കുന്നതും. ഇപ്പോഴിതാ സിനിമയെ സംബന്ധിച്ച് വരുന്ന വാർത്തകൾ ഏറെ ചർച്ചയാവുകയാണ്.
കാർത്തി നായകനാകുന്ന സിനിമയിൽ മലയാളി താരം രജീഷ വിജയൻ നായികയാകുമെന്നാണ് ഇ ടൈംസ് റിപ്പോർട്ട് ചെയ്യുന്നത്. കൈതിയിൽ ദില്ലിയുടെ കാമുകിയായിട്ടായിരിക്കുമോ രജീഷ എത്തുന്നത് എന്നാണ് ആരാധകർ ചോദിക്കുന്നത്. ഇതിൽ ഔദ്യോഗിക സ്ഥിരീകരണം ഒന്നും വന്നിട്ടില്ല. ഇത് രണ്ടാം തവണയാണ് കാർത്തി ചിത്രത്തിൽ രജീഷ ഭാഗമാകുന്നത്. നേരത്തെ കാർത്തിയുടെ സർദാറിൽ നടി നായികാ വേഷത്തിലെത്തിയിരുന്നു.
കഴിഞ്ഞ വർഷം ഒക്ടോബറിലായിരുന്നു കൈതി 2 ഉടൻ ആരംഭിക്കുമെന്ന് ലോകേഷ് കനകരാജ് അറിയിച്ചത്. ചിത്രം റിലീസ് ചെയ്തതിന്റെ അഞ്ചാം വർഷത്തോട് അനുബന്ധിച്ച് സോഷ്യൽ മീഡിയിൽ പങ്കുവച്ച പോസ്റ്റിലൂടെയാണ് ലോകേഷ് ഇക്കാര്യം പങ്കുവെച്ചത്. എല്ലാം തുടങ്ങിയത് ഇവിടെ നിന്നാണ്. കാർത്തി സാറിനോടും പ്രഭു സാറിനോടും ഏറെ നന്ദിയുണ്ട്. പിന്നെ ഇതെല്ലാം സംഭവിപ്പിച്ച 'യൂണിവേഴ്സിനോടും'. ദില്ലി ഉടൻ തിരിച്ചുവരും" ലോകേഷ് ട്വീറ്റിൽ കുറിച്ചത് ഇങ്ങനെയായിരുന്നു.
