സോഷ്യല്‍ മീഡിയയില്‍ ഏറെ ആരാധകരുള്ള താരമാണ് മീനാക്ഷി രവീന്ദ്രന്‍. തന്റെ ചിത്രങ്ങളും വിശേഷങ്ങളും മീനാക്ഷി ആരാധകരുമായി പങ്കുവെയ്ക്കാറുണ്ട്. ഗ്ലാമറസ് വസ്ത്രങ്ങള്‍ ധരിച്ചെത്തുമ്പോള്‍ ചില സദാചാരവാദികള്‍ താരത്തിനെതിരെ മോശം പ്രതികരണങ്ങള്‍ നടത്താറുമുണ്ട്. അത്തരക്കാരോട് രൂക്ഷമായി പ്രതികരിക്കുകയാണ് മീനാക്ഷി. ഗ്ലാമറസായോ സെക്‌സി ആയോ വസ്ത്രം ധരിച്ചാല്‍ അതിനര്‍ത്ഥം എന്തിനും സമ്മതമാണ് എന്നതല്ലെന്ന് മീനാക്ഷി പറയുന്നു.

' ഞാനിടുന്ന വസ്ത്രമല്ല എന്റെ ഐഡിന്റിറ്റി എന്ന് വിശ്വസിക്കുന്ന ഒരാളാണ് ഞാന്‍. മാന്യത എന്ന് പറയുന്നത് ഓരോരുത്തരുടെയും കണ്ണിലാണ്. ജീന്‍സ് ഇടുന്നത് വൃത്തികേടാണെന്നും അല്ലെന്നും പറയുന്നവരുണ്ട്. വേറെ എന്തൊക്കെ കാര്യങ്ങളുണ്ട്. പക്ഷേ ഞാനെന്ത് വസ്ത്രമിട്ടു എന്ന് നോക്കി നടക്കുകയാണ് ചിലര്‍. ഡ്രസ്സിങ്ങ് ആരോടുമുള്ള യെസ് അല്ല. ആളുകള്‍ കുറച്ചൂടി ഇഷ്ടപ്പെടുന്നത് അങ്ങനെ പ്രൊമോട്ട് ചെയ്യപ്പെടാനാണ്. ചിലര്‍ക്ക് കാണാനിഷ്ടവും അതൊക്കെയാണ്. എന്റെ സാരി ഉടുത്ത ഫോട്ടോയോ മാന്യമായ വേഷമെന്ന് പറയുന്നതോ ആയ ചിത്രങ്ങള്‍ ഇതുവരെ വൈറലായിട്ടില്ല. അതൊന്നും ആളുകള്‍ക്ക് കാണണ്ട. ഇതാണ് അവര്‍ക്ക് വേണ്ടത്. എന്ന് കരുതി കാണിക്കാന്‍ വേണ്ടി ഇട്ടതല്ല ഞാന്‍,' മീനാക്ഷി പറഞ്ഞു.

നായിക നായകന്‍, ഉടന്‍ പണം എന്നീ ടെലിവിഷന്‍ ഷോകളിലൂടെയാണ് മീനാക്ഷി ശ്രദ്ധിക്കപ്പെട്ടത്. പിന്നീട് ഏതാനും സിനിമകളിലും അഭിനയിച്ചു. പ്രേമലുവാണ് താരത്തിന്റേതായി ഏറ്റവും ഒടുവില്‍ റിലീസ് ചെയ്ത ചിത്രം.