മമ്മൂട്ടി- ജിയോ ബേബി ടീമിന്റെ 'കാതല്‍ - ദി കോര്‍' ബോക്സ് ഓഫീസില്‍ കുതിപ്പ് തുടരുകയാണ്. ഏഴു ദിവസത്തെ പ്രദര്‍ശനം അവസാനിപ്പിക്കുമ്പോള്‍ ചിത്രം 7.51 കോടി നേടി.

'കാതല്‍ - ദി കോര്‍' ഏഴാം ദിവസം ഏകദേശം 0.56 കോടി ഇന്ത്യന്‍ ബോക്‌സ് ഓഫീസില്‍നിന്ന് നേടി.ണ്‍ ബുധനാഴ്ച 15.24% ആയിരുന്നു തിയറ്ററുകളിലെ ആകെ ഒക്യുപന്‍സി.പ്രഭാത ഷോകള്‍: 10.57%, ഉച്ചകഴിഞ്ഞുള്ള ഷോകള്‍: 12.45%, ഈവനിംഗ് ഷോകള്‍: 15.59%, നൈറ്റ് ഷോകള്‍: 22.36%. കൊച്ചിയില്‍ 20.00%, ചെന്നൈയില്‍ 24.33%, കോട്ടയത്ത് 20.50% എന്നിങ്ങനെയാണ് പ്രധാന ഇടങ്ങളിലെ തിയറ്ററുകളിലെ കഴിഞ്ഞ ദിവസത്തെ ഒക്യുപന്‍സി.

നവംബര്‍ 23നാണ് കാതല്‍ ദ കോര്‍ പ്രദര്‍ശനത്തിന് എത്തിയത്.ജ്യോതിക ആണ് നായിക.ആദര്‍ശ് സുകുമാരന്‍, പോള്‍സണ്‍ സ്‌കറിയ എന്നിവര്‍ ചേര്‍ന്ന് തിരക്കഥയൊരുക്കിയ ചിത്രം സംവിധാനം ചെയ്തിരിക്കുന്നത് ജിയോ ബേബിയാണ്. മമ്മൂട്ടി കമ്പനിയാണ് നിര്‍മ്മാണം.