തമിഴ് നടന്‍ അജിത്ത് കുമാര്‍ ആശുപത്രി വിട്ടു. ചെവിയുടെ താഴ്ഭാഗത്ത് ഉണ്ടായ നീര്‍ക്കെട്ടിനെ തുടര്‍ന്നാണ് താരം ശസ്ത്രക്രിയയ്ക്ക് വിധേയനായത്. അപ്പോളോ ആശുപത്രിയിലായിരുന്നു ശസ്ത്രക്രിയ നടന്നത്. ആരോഗ്യാവസ്ഥയില്‍ ആശങ്കപ്പെടാനില്ലെന്നും ആശുപത്രി വിട്ടെന്നും നടനുമായി ബന്ധപ്പെട്ട വൃത്തങ്ങള്‍ പറയുന്നു. വിടാമുയര്‍ച്ചി എന്ന പുതിയ ചിത്രത്തിന്റെ ചിത്രീകരണത്തിനിടയാണ് താരത്തെ ആശുപത്രിയില്‍ പ്രവേശിപ്പിച്ചത്.

പിന്നാലെ താരത്തിന് ബ്രെയിന്‍ ട്യൂമര്‍ ആണെന്നും ശാസ്ത്രക്രിയയ്ക്ക് വിധേയനാക്കിയെന്നുമുള്ള പ്രചാരണം ഉണ്ടായി. എന്നാല്‍ പ്രചാരണം തെറ്റാണെന്നും അദ്ദേഹം വ്യക്തമാക്കി.