അനുബന്ധ വാര്ത്തകള്
- നിങ്ങളൊക്കെ സിനിമ പഠിച്ചെന്നാണോ വിചാരം, അന്ന് ലിജോ ചേട്ടൻ ശരിക്കും കലിപ്പിലായി. അവസാനം ഗിരീഷേട്ടൻ ഇടപെട്ടു: അങ്കമാലി ഡയറീസിലെ അനുഭവം പറഞ്ഞ് പെപ്പെ
- അഭിനയം നിര്ത്താമെന്ന് കരുതിയതായിരുന്നു, സിനിമ ഹിറ്റാകില്ലെന്നാണ് കരുതിയത്, എന്നാല് സംഭവിച്ചത് മറ്റൊന്ന്: ആന്റണി വര്ഗീസ്
- ഇത് ചില്ലറക്കളിയല്ല, തീപ്പാറും: പ്രൊഫഷണൽ ബോക്സിങ് ലൈസൻസ് സ്വന്തമാക്കി പെപ്പെ, ജനുവരി 26ന് ആദ്യ പ്രൊഫഷണൽ ഫൈറ്റ്
- നമ്മളൊക്കെ അടിച്ചു ഷെയ്പ്പ് മാറ്റുമെന്ന് വെറുതെ പറയാറുള്ളു, അവനത് ചെയ്ണോനാ.. ഇടിക്കൂട്ടിൽ പെപ്പെ, ദാവീദ് ടീസർ പുറത്ത്
- 'ഇടിച്ചു കയറി' പെപ്പെയും; ഓണം ബോക്സ്ഓഫീസില് ത്രികോണ പോര്, കണ്ടിരിക്കാം 'കൊണ്ടല്'
ബോക്സ് ഓഫീസില് ചാമ്പ്യന് 'ദാവീദ്'; മൂന്ന് ചിത്രങ്ങളുടെയും കളക്ഷന് റിപ്പോര്ട്ട് ഇങ്ങനെ
സിനിമാ സംഘടനകളുടെ തര്ക്കത്തിനിടയില് സിനിമകളുടെ കളക്ഷനില് ഇടിവ്. ഇന്നലെ മൂന്ന് സിനിമകളാണ് റിലീസ് ആയത്. ‘പൈങ്കിളി’, ‘ബ്രൊമാന്സ്’, ‘ദാവീദ്’. ഇതിൽ ഒരു സിനിമയ്ക്ക് പോലും ഒരു കോടി രൂപ കളക്ഷൻ നേടാൻ കഴിഞ്ഞിട്ടില്ല. സാക്നില്ക്.കോം ആണ് കളക്ഷന് കണക്കുകള് പുറത്തുവിട്ടിരിക്കുന്നത്.
ആന്റണി വര്ഗീസ് നായകനായ ദാവീദ് 90 ലക്ഷം രൂപയാണ് ഓപ്പണിങ് ദിനത്തില് ബോക്സ് ഓഫീസില് നിന്നും നേടിയത്. ഇന്നലെ പുറത്തിറങ്ങിയ മൂന്ന് ചിത്രങ്ങളില് കൂടുതല് കളക്ഷന് നേടിയ ചിത്രമാണ് ദാവീദ്. ഗോവിന്ദ് വിഷ്ണു സംവിധാനം ചെയ്ത ചിത്രം ആക്ഷന് പടമായാണ് എത്തിയത്. ലോകപ്രശസ്തനായ ഒരു ബോക്സറും കഥാനായകനായ ആഷിക്ക് അബുവും തമ്മിലുള്ള പോരാട്ടത്തിന്റെ കഥയാണ് ദാവീദ് പറയുന്നത്.
കളക്ഷന് കണക്കുകളില് രണ്ടാം സ്ഥാനത്ത് മാത്യു തോമസ്, അര്ജുന് അശോകന്, മഹിമ നമ്പ്യാര്, ശ്യാം മോഹന്, സംഗീത് പ്രതാപ് എന്നിവര് ഒന്നിച്ച ബ്രൊമാന്സ് എന്ന ചിത്രമാണ്. ആദ്യ ദിനം 70 ലക്ഷം രൂപയാണ് ബ്രൊമാന്സ് നേടിയത്. അരുണ് ഡി ജോസ് ആണ് ചിത്രം സംവിധാനം ചെയ്തത്. കലാഭവന് ഷാജോണ്, ബിനു പപ്പു എന്നിവരാണ് ചിത്രത്തില് മറ്റ് പ്രധാന വേഷങ്ങളിലെത്തുന്നത്.
അനശ്വര രാജനും സജിന് ഗോപുവും ഒന്നിച്ച പൈങ്കിളി ചിത്രത്തിന് 60 ലക്ഷം രൂപയാണ് ആദ്യ ദിനം തിയേറ്ററില് നിന്നും നേടാനായത്. ജിത്തു മാധവന്റെ രചനയില് ശ്രീജിത്ത് ബാബു ആണ് ചിത്രം സംവിധാനം ചെയ്തത്. ജിസ്മ വിമല്, റോഷന് ഷാനവാസ്, അബു സലിം, റിയാസ് ഖാന്, സംവിധായകന് ലിജോ ജോസ് പെല്ലിശേരി, ചന്ദു സലിം കുമാര് തുടങ്ങിയവര് സിനിമയുടെ ഭാഗമാണ്.
