അന്തരിച്ച നടന്‍ കൊച്ചിന്‍ ഹനീഫയുടെ സഹോദരന്‍ മസൂദ് അന്തരിച്ചു. 72വയസായിരുന്നു. ഇന്ന് വൈകിട്ടോടെയായിരുന്നു അന്ത്യം. ആഗസ്റ്റ് 9 വെള്ളിയാഴ്ച രാവിലെ 11 മണിക്ക് എറണാകുളം സെന്‍ട്രല്‍ മുസ്ലിം ജമാഅത്ത് ഖബറിസ്ഥാനില്‍ വച്ച് സംസ്‌കാര ചടങ്ങുകള്‍ നടക്കും. പുല്ലേപ്പടി ആലിങ്ക പറമ്പില്‍ പരേതനായ എ ബി മുഹമ്മദാണ് പിതാവ്.

കരള്‍ രോഗത്തെ തുടര്‍ന്ന് 2010ലാണ് കൊച്ചിന്‍ ഹനീഫ അന്തരിച്ചത്. ചെന്നൈയിലെ ആശുപത്രിയില്‍ വച്ചായിരുന്നു അന്ത്യം. ഇദ്ദേഹത്തിന് രണ്ടുപെണ്‍മക്കളാണ് ഉള്ളത്. ഭാര്യ ഫാസില.