അനുബന്ധ വാര്ത്തകള്
- തീര്ച്ചയായും കാണേണ്ട അഭിനയ ഭ്രമം; മമ്മൂട്ടിയെ പ്രശംസിച്ച് ജയസൂര്യ
- ഭ്രമയുഗം റിലീസ് ദിവസം നേടിയത് കോടികള്, മമ്മൂട്ടി ചിത്രത്തിന്റെ കളക്ഷന് റിപ്പോര്ട്ട്
- ആസിഫ് അലിയുടെ കരിയറിലെ ഏറ്റവും വലിയ നഷ്ടം ! താരം ഭ്രമയുഗം വേണ്ടെന്നുവച്ചത് ഇക്കാരണത്താല്, അര്ജുന് അശോകന് ലോട്ടറിയായി !
- ഏറ്റവും മികച്ചത് മമ്മൂട്ടി തന്നെയെന്ന് അനൂപ് മേനോന്, കൊടുമണ് പോറ്റിയുടെ ചിത്രം പങ്കുവെച്ച് നസ്രിയ; മഹാനടനെ വാഴ്ത്താന് മത്സരിച്ച് സിനിമാലോകം
- അച്ഛന്റെ തിരക്കഥയില് മകന് നായകന്, നാദിര്ഷക്ക് ഇത് സ്വപ്നസാഫല്യം, വണ്സ് അപോണ് എ ടൈം ഇന് കൊച്ചി റിലീസിന് തയ്യാര് !
Bramayugam: കൊടുമണ് പോറ്റി സുപ്രിമസി ഇന് ബോക്സ് ഓഫീസ്; ഭ്രമയുഗം ആദ്യദിനം നേടിയത് എത്രയെന്നോ?
കഴിഞ്ഞ 24 മണിക്കൂറിനിടെ ബുക്ക് മൈ ഷോയില് മാത്രം വിറ്റു പോയത് ഒരു ലക്ഷത്തിലേറെ ടിക്കറ്റുകളാണ്
Bramayugam: മമ്മൂട്ടി ചിത്രം ഭ്രമയുഗത്തിന്റെ ആദ്യദിന ബോക്സ് ഓഫീസ് കളക്ഷന് പുറത്ത്. കേരളത്തില് നിന്ന് മാത്രം മൂന്ന് കോടിയിലേറെ സിനിമ കളക്ട് ചെയ്തിട്ടുണ്ട്. കേരളത്തിനു പുറത്തും ഇന്ത്യക്ക് പുറത്തും മികച്ച പ്രതികരണമാണ് ചിത്രത്തിനു ലഭിക്കുന്നത്. കര്ണാടകയില് നിന്ന് മാത്രം ആദ്യദിനം ഗ്രോസ് ആയി 42 ലക്ഷം നേടാന് ഭ്രമയുഗത്തിനു സാധിച്ചിട്ടുണ്ട്. ചിത്രത്തിന്റെ ആദ്യദിനത്തിലെ വേള്ഡ് വൈഡ് ബോക്സ്ഓഫീസ് കളക്ഷന് 10 കോടിക്ക് അടുത്തുണ്ടാകുമെന്നാണ് കണക്കുകള്.
കഴിഞ്ഞ 24 മണിക്കൂറിനിടെ ബുക്ക് മൈ ഷോയില് മാത്രം വിറ്റു പോയത് ഒരു ലക്ഷത്തിലേറെ ടിക്കറ്റുകളാണ്. വര്ക്കിങ് ഡേ ആയ ഇന്ന് ആദ്യ മണിക്കൂറുകളില് മികച്ച ബുക്കിങ്ങാണ് ചിത്രത്തിനു ലഭിച്ചു കൊണ്ടിരിക്കുന്നത്. കഴിഞ്ഞ വാരം തിയറ്ററുകളിലെത്തിയ പ്രേമലുവാണ് കഴിഞ്ഞ 24 മണിക്കൂറിനിടെ കൂടുതല് ടിക്കറ്റുകള് വിറ്റഴിഞ്ഞതില് രണ്ടാം സ്ഥാനത്ത്. ഭ്രമയുഗത്തിന്റെ ഒരു ലക്ഷത്തി മൂവായിരം ടിക്കറ്റുകളാണ് 24 മണിക്കൂറിനിടെ ബുക്ക് മൈ ഷോയില് വിറ്റു പോയതെങ്കില് പ്രേമലുവിന്റേത് 70,000 ആണ്.
ഭൂതകാലത്തിനു ശേഷം രാഹുല് സദാശിവന് സംവിധാനം ചെയ്ത ഭ്രമയുഗം ഒരു മിസ്റ്ററി ഹൊറര് ത്രില്ലര് ആണ്. കൊടുമണ് പോറ്റി എന്ന വില്ലന് വേഷത്തിലാണ് മമ്മൂട്ടി അഭിനയിച്ചിരിക്കുന്നത്. മമ്മൂട്ടിയുടെ കരിയറിലെ തന്നെ ഏറ്റവും മികച്ച വേഷങ്ങളില് ഒന്നാണ് കൊടുമണ് പോറ്റിയെന്നാണ് ഭ്രമയുഗം കണ്ട പ്രേക്ഷകര് ഒന്നടങ്കം പറയുന്നത്. ബ്ലാക്ക് ആന്ഡ് വൈറ്റിലാണ് ചിത്രം തിയറ്ററുകളിലെത്തിയിരിക്കുന്നത്. അര്ജുന് അശോകന്, സിദ്ധാര്ത്ഥ് ഭരതന് എന്നിവരുടെ പ്രകടനങ്ങളും ഗംഭീരമാണ്.
