'ബറോസ് ദിനങ്ങള്‍ മിസ് ചെയ്യുന്നു'; വിശേഷങ്ങളുമായി മരക്കാറിലെ ചിന്നാലി
കെ ആര്‍ അനൂപ്|
Last Modified വെള്ളി, 14 ഒക്‌ടോബര്‍ 2022 (15:06 IST)
ബറോസ്; നിധി കാക്കും ഭൂതം എന്ന സിനിമയ്ക്കായി കാത്തിരിക്കുകയാണ് മോഹന്‍ലാലിന്റെ ആരാധകര്‍. അദ്ദേഹം ആദ്യമായി സംവിധാനം ചെയ്യുന്ന സിനിമയുടെ പോസ്റ്റ് പ്രൊഡക്ഷന്‍ ജോലികള്‍ നിലവില്‍ പുരോഗമിക്കുകയാണ്. ട്രെയിലര്‍ ഡിസംബര്‍ എത്തും.മരക്കാറില്‍ ചിന്നാലി എന്ന കഥാപാത്രത്തെ അവതരിപ്പിച്ച ജയ് ജെ. ജാകൃത് ബറോസിന്റെ ഭാഗമാണ്.സിനിമയില്‍ അഭിനയിക്കുന്ന അതിനുപുറമേ നടന്‍ ആദ്യമായി ആക്ഷന്‍ ഡിസൈനര്‍ ആകുന്ന സിനിമ കൂടിയാണിത്.
ഇതിനെല്ലാം അവസരം നല്‍കിയ മോഹന്‍ലാലിന് ജയ് ജെ. ജാകൃത് നന്ദി പറഞ്ഞിരുന്നു. ഇപ്പോഴിതാ ലാലിനൊപ്പം ഉള്ള ബറോസ് ദിവസങ്ങള്‍ മിസ് ചെയ്യുന്നുവെന്ന് പറഞ്ഞുകൊണ്ട് ലൊക്കേഷന്‍ ചിത്രം പങ്കുവെച്ചിരിക്കുകയാണ് നടന്‍.
ചൈനീസ്, പോര്‍ച്ചുഗീസ്, സ്പാനിഷ് ഇരുപതോളം ഭാഷകളില്‍ സബ് ടൈറ്റില്‍ ഉപയോഗിച്ചും ഡബ്ബ് ചെയ്തും റിലീസ് ചെയ്യാന്‍ നിര്‍മ്മാതാക്കള്‍ പദ്ധതിയിടുന്നു. മലയാള സിനിമയ്ക്ക് ലഭിക്കുന്ന ഏറ്റവും വലിയ റിലീസ് കൂടിയാകും മോഹന്‍ലാലിന്റെ ബറോസ്.
അടുത്ത വേനല്‍ അവധിക്ക് മുമ്പേ മാര്‍ച്ച് മാസം ചിത്രം പ്രദര്‍ശനത്തിന് എത്തുമെന്നാണ് റിപ്പോര്‍ട്ടുകള്‍.സെന്‍സറിങ് നടപടികള്‍ ഈ വര്‍ഷം തന്നെ പൂര്‍ത്തിയാകും.
