നിവിന്‍ പോളിയും ടോവിനോയും കഴിഞ്ഞാല്‍ പിന്നെ ഇന്ദ്രജിത്ത് ! ഒന്നും നേടാനാവാതെ 'മാരിവില്ലിന്‍ ഗോപുരങ്ങള്‍', കളക്ഷന്‍ റിപ്പോര്‍ട്ട്

Marivillin Gopurangal
Marivillin Gopurangal
കെ ആര്‍ അനൂപ്| Last Updated: വ്യാഴം, 16 മെയ് 2024 (11:34 IST)
ഇന്ദ്രജിത്ത് സുകുമാരന്‍ നായകനായി എത്തിയ ഫീല്‍ ഗുഡ് ഡ്രാമ 'മാരിവില്ലിന്‍ ഗോപുരങ്ങള്‍' ബോക്സോഫീസില്‍ വലിയ നേട്ടങ്ങള്‍ ഉണ്ടാക്കിയില്ല. പ്രദര്‍ശനത്തിനെത്തി ആറ് ദിവസങ്ങള്‍ പിന്നിട്ട ചിത്രത്തിന്റെ കളക്ഷന്‍ റിപ്പോര്‍ട്ടാണ് പുറത്തുവന്നിരിക്കുന്നത്. ആറാമത്തെ ദിവസം 2 ലക്ഷം രൂപ മാത്രമാണ് നേടാനായത്.

ലോകമെമ്പാടുമുള്ള തിയേറ്ററുകളില്‍ നിന്നുള്ള ആകെ കളക്ഷന്‍ വെറും 44 ലക്ഷം രൂപയാണ് .ഇന്ത്യയിലെ മൊത്തം കളക്ഷന്‍ 41 ലക്ഷം ആണെന്നുമാണ് ലഭിക്കുന്ന വിവരം.റിപ്പോര്‍ട്ടുകള്‍ പ്രകാരം ആദ്യദിവസം 8 ലക്ഷം രൂപ മാത്രമാണ് സിനിമയ്ക്ക് നേടാന്‍ ആയത്. രണ്ടാമത്തെ ദിവസത്തിലേക്ക് കടന്നപ്പോള്‍ 11 ലക്ഷം നേടി നേരിയ മുന്നേറ്റം നടത്തി.
ഇന്ദ്രജിത്ത് സുകുമാരന്‍, ശ്രുതി രാമചന്ദ്രന്‍, സര്‍ജാനോ ഖാലിദ്, വിന്‍സി അലോഷ്യസ് എന്നിവരെ കേന്ദ്ര കഥാപാത്രങ്ങളാക്കി അരുണ്‍ ബോസ് സംവിധാനം ചെയ്യുന്ന പുതിയ ചിത്രമാണ് മാരിവില്ലിന്‍ ഗോപുരങ്ങള്‍.

കോക്കേഴ്‌സ് ഫിലിംസ് നിര്‍മ്മിക്കുന്ന ചിത്രത്തിനുവേണ്ടി സംഗീത സംവിധായകന്‍ വിദ്യാസാഗറും പ്രവര്‍ത്തിക്കുന്നു. തിരക്കഥയും കോ ഡയറക്ടറും പ്രമോദ് മോഹന്‍ തന്നെയാണ്.


വസിഷ്ട് ഉമേഷ്, ജോണി ആന്റണി, സലീം കുമാര്‍, വിഷ്ണു ഗോവിന്ദ് എന്നിവരാണ് മറ്റു പ്രധാന വേഷങ്ങളില്‍ എത്തുന്നത്.ശ്യാമപ്രകാശ്. എം.എസ് ഛായാഗ്രഹണവും ഷൈജല്‍ പി.വി എഡിറ്റിങ്ങും നിര്‍വഹിക്കുന്നു.










ഇതിനെക്കുറിച്ച് കൂടുതല്‍ വായിക്കുക :