വിഷുക്കണിയും വിഷുക്കൈനീട്ടവും മാത്രമല്ല ജനഹൃദയങ്ങളില്‍ ആഹ്ലാദത്തിന്റെ പൂത്തിരികളാകുന്നത്‌. വിഷുവിന്റെ തലേദിവസം വൈകിട്ടും വിഷുദിവസം വെളുപ്പിനും പടക്കം പൊട്ടിച്ചും പൂത്തിരി കത്തിച്ചും ആഘോഷമുണ്ട്‌. കുട്ടികളും പ്രായം ചെന്നവരും ഇതില്‍ പങ്കുചേരുന്നു. വടക്കേ മലബാറില്‍ 'കണിവിളി' എന്ന ഒരു ചടങ്ങുണ്ട്‌, കണി കണിയേയ്‌ കണി കണിയേയ്‌ എന്ന്‌ വിളിച്ച്‌ കൊണ്ട്‌ കുട്ടികള്‍ വീടുവീടാന്തരം കയറിയിറങ്ങുകയും പച്ച ഈര്‍ക്കിലിന്‍ തുമ്പില്‍ 'കണിയപ്പം' ശേഖരിക്കുകയും ചെയ്യും.
