തമിഴ് സിനിമാ ലോകത്തിനും നടന്‍ ധനുഷിനും തലവേദനയാകുകയാണ് ഗായിക സുചിത്ര കാർത്തിക്. സിനിമാ ലോകത്തെ അമ്പരപ്പിക്കുന്ന ട്വീറ്റുകളാണ് ഓരോദിവസവും സുചിത്ര കാർത്തിക് തന്റെ ട്വിറ്റർ അക്കൌണ്ടിലൂടെ പ്രസിദ്ധപ്പെടുത്തുന്നത്. ധനുഷ്, അനിരുദ്ധ്, അമല പോൾ, ആൻഡ്രിയ, നയൻതാര എന്നിങ്ങനെയുള്ള നിരവധി താരങ്ങളുടെ തീർത്തും സ്വകാര്യവും അപകീർത്തികരവുമായ ചിത്രങ്ങളാണ് സുചിത്രയുടെ ഹാക്ക് ചെയ്യപ്പെട്ട ട്വിറ്ററിലെ ട്വീറ്റുകൾ വഴി നിത്യേന പുറത്തുവരുന്നത്.

ധനുഷിനെതിരെയാണ് സുചിത്ര ഏറ്റവും കൂടുതല്‍ ആരോപണങ്ങള്‍ ഉന്നയിക്കുന്നത്. തനിക്ക് മയക്കുമരുന്നു നൽകിയശേഷം ധനുഷും അനിരുദ്ധും ചേർന്നു പീ‍ഡിപ്പിച്ചുവെന്ന് സുചിത്ര പറയുന്നു. ധനുഷിന്റെ യഥാർഥ മുഖം താന്‍ പുറത്തുകൊണ്ടുവരുമെന്നും അവര്‍ ട്വീറ്റിലൂടെ വ്യക്തമാക്കുന്നുണ്ട്. പല മുൻനിര സംവിധായകരും അഭിനേതാക്കളും തമ്മിൽ അവിഹിത ബന്ധമുണ്ടായിരുന്നുവെന്ന് വ്യക്തമാക്കുന്ന തരത്തിലുള്ള ട്വീറ്റുകളും അവര്‍ പുറത്തുവിട്ടിട്ടുണ്ട്.

അഭിനേതാക്കളായ അനൂയ, സഞ്ചിത ഷെട്ടി തുടങ്ങിയവരുടെ അപകീർത്തികരമായ ചിത്രങ്ങളാണ് ഏറ്റവുമൊടുവിൽ സുചിത്രയുടെ അക്കൗണ്ട് വഴി പുറത്തുവന്നത്. തന്റെ അക്കൗണ്ട് ആരോ ഹാക്ക് ചെയ്തതാണെന്ന പ്രതികരണവുമായി സുചിത്ര രംഗത്തെത്തുകയും ഇതെല്ലാം ഡിലീറ്റ് ചെയ്യുന്നതും പതിവ് സംഭവമായി മാ‍റുകയാണ്. എന്നാല്‍ നിമിഷ നേരം കൊണ്ടുതന്നെ ട്വീറ്റ് ചെയ്ത എല്ലാ വീഡിയോകളും ചിത്രങ്ങളും ഇന്റർനെറ്റിൽ തരംഗമായി മാറുന്ന അവസ്ഥയാണ് കണ്ടുവരുന്നത്.

അനിരുദ്ധും ആൻഡ്രിയ ജെറമിയയും തമ്മിലുള്ള ചൂടന്‍ ചിത്രങ്ങളും വീഡിയോകളും അതുപോലെ നടി തൃഷയും ധനുഷും തമ്മിലുള്ള സ്വകാര്യ ചിത്രങ്ങളുമാണ് സുചിത്ര ആദ്യം പുറത്തുവിട്ടത്. അതിനുശേഷമാണ് ഗായിക ചിൻമയി, നടി അമല പോള്‍, അനിരുദ്ധ്, ധനുഷ് എന്നിവര്‍ ഉൾപ്പെടുന്ന കൂടുതൽ സ്വകാര്യ വീഡിയോകളും ചിത്രങ്ങളും പുറത്തുവിടുമെന്ന ഭീഷണിയും സുചിത്ര മുഴക്കിയത്. മലയാളി താരമായ പാര്‍വ്വതി നായരേയും സുചിത്ര വെറുതേ വിടുന്നില്ല. നിത്യ മേനോനെതിരേയും നീക്കങ്ങള്‍ നടക്കുന്നുണ്ടെന്നാണ് സൂചന.

എന്തുതന്നെയായലും ട്വീറ്റ് വഴിയുള്ള ആക്രമണം ഗായിക തുടർന്നുകൊണ്ടിരിക്കുകയാണ്. അതേസമയം സുചിത്രയ്ക്ക് എന്തോ മാനസിക പ്രശ്നമാണെണെന്നാണ് ഭർത്താവ് കാർത്തിക് പ്രതികരിച്ചത്. എന്തായാലും ഓരോദിവസവും സുചിത്ര പുറത്തുവിടുന്ന ട്വീറ്റുകള്‍ സിനിമാലോകത്താകമാനം വന്‍ ആശയക്കുഴപ്പം സൃഷ്ടിച്ചിരിക്കുകയാണ്. സുചിത്രയ്ക്ക് എവിടെ നിന്നാണ് ഈ ചിത്രങ്ങളും വിഡിയോകളും കിട്ടിയതെന്നത് ഇപ്പോളും ഉത്തരം കിട്ടാത്ത ചോദ്യമായി അവശേഷിക്കുകയാണ്.