മദ്ധ്യപ്രദേശില്‍ ദേവാസ് ജില്ലയില്‍ ഹത്പിപിലിയ എന്ന ചെറിയ ഗ്രാമമുണ്ട്. ഇവിടത്തെ നരസിംഹ ക്ഷേത്രത്തിലെ കല്‍ വിഗ്രഹം എല്ലാ വര്‍ഷവും വെള്ളത്തില്‍ പൊങ്ങിക്കിടക്കുന്ന അത്ഭുത സംഭവം ദൃശ്യമാകുന്നുണ്ടത്രെ. എന്നാല്‍, എങ്ങനെ ഈ അത്ഭുതം സംഭവിക്കുന്നു.
എല്ലാ വര്‍ഷവും ദോള്‍ ഗ്യരസിന്‍റെ (ഭാദവ മാസത്തിലെ പതിനൊന്നാം ദിവസം) അവസരത്തില്‍ നരസിംഹ മൂര്‍ത്തിയെ ആരാധിച്ച ശേഷം വിഗ്രഹം വെള്ളത്തില്‍ നിക്ഷേപിക്കുന്നു. അത്ഭുതമെന്ന് പറയട്ടെ, വിഗ്രഹം മുങ്ങിപ്പോകാതെ വെള്ളത്തില്‍ പൊങ്ങിക്കിടക്കുന്നു. ഈ രംഗം വീക്ഷിക്കാനായി വന്‍ ജനക്കൂട്ടം തന്നെ എല്ലാ വര്‍ഷവും എത്താ‍റുണ്ട്.
വിഗ്രഹം ഒരു പ്രാവശ്യം മാത്രമേ പൊങ്ങിവരുന്നുള്ളുവെങ്കില്‍ വരും വര്‍ഷത്തിലെ നാല് മാസം ഗ്രാമത്തില്‍ ഐശ്വര്യം കളിയാടുമെന്നാണ് മുഖ്യ പൂജാരിയായ ഗോപാല്‍ വൈഷ്ണവ പറയുന്നത്. വിഗ്രഹം മൂന്ന് പ്രാവശ്യം താണും പൊങ്ങിയും വരികയാണെങ്കില്‍ ഒരു വര്‍ഷം മുഴുവനും ഗ്രാമത്തില്‍ ഐശ്വര്യം കളിയാടുമെന്നും അദ്ദേഹം പറഞ്ഞു.
കടുത്ത വേനലില്‍ നദി വറ്റിയാലും ദോള്‍ ഗ്യരസ് വേളയില്‍ നിറയും- അടുത്ത പേജ്
