നോയിഡ|
jibin|
Last Modified ബുധന്‍, 10 ഒക്‌ടോബര്‍ 2018 (11:27 IST)
ലൈംഗിക ബന്ധത്തിനു വിസമ്മതിച്ച പതിമൂന്നുകാരന്റെ ജനനേന്ദ്രിയത്തില്‍ പൊള്ളിലേല്‍പിച്ച യുവതിക്കെതിരെ കേസ്. അയല്‍ക്കാരിയും വിവാഹിതയുമായ യുവതിക്കെതിരെ കേസ് രജിസ്‌റ്റര്‍ ചെയ്‌തതായി പൊലീസ് വ്യക്തമാക്കി. ഉത്തര്‍പ്രദേശിലെ ചപ്രോലയിലാണ് സംഭവം.
കഴിഞ്ഞ വെള്ളിയാഴ്‌ചയാണ് കുട്ടിക്ക് നേര്‍ക്ക് ആക്രമണം ഉണ്ടായത്. സംഭവത്തിനു ശേഷം യുവതി ഒളിവിലാണ്.
വീട്ടില്‍ ഒറ്റയ്ക്കായിരുന്ന കുട്ടിയെ വീട്ടിലേക്ക് ക്ഷണിച്ച യുവതി ലൈംഗിക ബന്ധത്തിന് ക്ഷണിച്ചു. കുട്ടി എതിര്‍പ്പ് അറിയിച്ചതോടെ പ്രകോപിതയായ യുവതി ചവണ ചൂടാക്കി ജനനേന്ദ്രിയം പൊള്ളിക്കുകയായിരുന്നു. കുട്ടി ബഹളം വെച്ചതോടെ യുവതി രക്ഷപ്പെടുകയും ചെയ്‌തു.
കുട്ടിയെ ആശുപത്രിയില്‍ പ്രവേശിപ്പിച്ചുവെങ്കിലും ചൊവ്വാഴ്‌ചയാണ് കുട്ടിയുടെ അമ്മ ബാദല്‍പുര്‍ പൊലിസില്‍ പരാതി നല്‍കിയത്. പരാതി നല്‍കാന്‍ വൈകിയ സാഹചര്യവും അന്വേഷണത്തില്‍ ഉള്‍പ്പെടുമെന്ന് പൊലീസ് വ്യക്തമാക്കി.
ഇന്ത്യന്‍ ശിക്ഷാനിയമത്തിലെ വിവിധ വകുപ്പുകള്‍ പ്രകാരവും പോക്‌സോ നിയമപ്രകാരവുമാണ് യുവതിക്കെതിരെ കേസ് എടുത്തത്.
