അനുബന്ധ വാര്ത്തകള്
- കുടുംബസമേതം താരപുത്രന്, പ്രണവ് മോഹന്ലാലിന്റെ കുട്ടിക്കാല ചിത്രങ്ങള് കാണണോ ?
- 'ബാക്ക് ടു നോര്മല്'; കോവിഡില്ലാ കാലത്തേക്ക് പ്രതീക്ഷകളോടെ കുട്ടികള്, സ്കൂളുകള് സാധാരണ നിലയിലേക്ക്
- ഒരാഴ്ച്ചയായി അസഭ്യ ഫോൺ കോളുകളും ഭീഷണിയും, കുട്ടികളുടെ സ്കൂളിന്റെ വിവരങ്ങൾ പോലും ഷെയർ ചെയ്യപ്പെടുന്നു: രശ്മി ആർ നായർ
- ഒന്നുമുതല് ഒന്പതുവരെ ക്ലാസുകളിലെ വാര്ഷിക പരീക്ഷ ഏപ്രിലില് നടത്തും; ഓണ്ലൈന് ക്ലാസുകള് നിര്ബന്ധമായി തുടരില്ല
- മറ്റന്നാള് മുതല് സ്കൂളുകള് പൂര്ണതോതില് തുറക്കുന്നു: യൂണിഫോമും ഹാജരും നിര്ബന്ധമാക്കില്ലെന്ന് മന്ത്രി
രണ്ടുവയസ്സുകാരിക്ക് രണ്ടാനച്ഛന്റെ ക്രൂരമർദ്ദനം: തലയിൽ ഗുരുതര പരിക്കുമായി ആശുപത്രിയിൽ
തലയ്ക്ക് ഗുരുതരമായ പരിക്കുകളോടെ രണ്ടുവയസ്സുകാരിയെ കോലഞ്ചേരി മെഡിക്കൽ മിഷൻ ആശുപത്രിയിൽ പ്രവേശിപ്പിച്ചു. കുഞ്ഞിന്റെ അമ്മയും മുത്തശ്ശിയുമാണ് ഇന്നലെ അർധരാത്രി കുഞ്ഞുമായി ആശുപത്രിയിലെത്തിയത്.അബോധാവസ്ഥയിലുള്ള കുഞ്ഞിനെ വെന്റിലേറ്ററിൽ പ്രവേശിപ്പിച്ചിരിക്കുകയാണ്.
ആശുപത്രിയില് നടത്തിയ പരിശോധനയിലാണ് കുഞ്ഞിന്റെ തലയിൽ ക്ഷതമുള്ളതായി കണ്ടെത്തിയത്. കുഞ്ഞ് വീണു തലയ്ക്കു പരുക്കേറ്റു എന്നാണ് അമ്മ പറഞ്ഞത്. വീട്ടുകാരുടെ മൊഴിയിൽ സംശയം തോന്നി ഡോക്ടർമാർ കൂടുതല് കാര്യങ്ങള് ചോദിച്ചെങ്കിലും പറഞ്ഞത് തന്നെ വീട്ടുകാര് ആവര്ത്തിച്ചു.
തുടർന്ന് പോലീസെത്തി അമ്മയുടെയും മുത്തശ്ശിയുടെയും മൊഴി രേഖപ്പെടുത്തി. ഇരുവരുടെയും മൊഴികളിലുള്ള പൊരുത്തക്കേടുകളുണ്ടെന്ന് പോലീസ് പറയുന്നു.കുട്ടി ഹൈപ്പർ ആക്ടീവാണെന്നും സ്വയം പരിക്കേൽപ്പിച്ചതാണെന്നുമാണ് ഇവർ പോലീസിന് മൊഴി നൽകിയത്.
ഇത് വിശ്വസനീയമാണെന്ന് തോന്നാത്തതിനെ തുടർന്ന് നടത്തിയ അന്വേഷണത്തിലാണ് രണ്ടാനച്ഛന് മര്ദ്ദിച്ചുവെന്ന് മനസ്സിലായത്. കേസിന്റെ കൂടുതല് വിവരങ്ങള് പോലീസ് അന്വേഷിച്ച് വരികയാണ്.
