അനുബന്ധ വാര്ത്തകള്
- ഞാൻ ജീവിച്ചിരിക്കുന്ന രക്തസാക്ഷി, ആരോപണങ്ങൾ നിഷേധിച്ച് നടൻ ജയസൂര്യ
- ബലാത്സംഗക്കേസ്: സിദ്ദിഖ് ഫോൺ ഹാജരാക്കിയില്ല, അന്വേഷണ സംഘവുമായി സഹകരിക്കുന്നില്ലെന്ന് പോലീസ്
- രേഖകൾ ഹാജരാക്കിയില്ല, സിദ്ദിഖിനെ 3 മണിക്കൂർ ചോദ്യം ചെയ്ത് വിട്ടയച്ചു, ശനിയാഴ്ച വീണ്ടും ഹാജരാകണം
- ആലപ്പുഴ ഒറ്റമശ്ശേരി കടല്ത്തീരത്തടിഞ്ഞ നീല തിമിംഗലത്തിന്റെ ജഡം സംസ്കരിക്കാന് ചിലവായത് 4ലക്ഷം രൂപ!
- വീട്ടിൽ അതിക്രമിച്ചു കയറി യുവതിയെ പീഡിപ്പിച്ചു : 31 കാരന് 21 വർഷം കഠിന തടവ്
വിവാഹ വാഗ്ദാനം നൽകി യുവതിയെ പീഡിപ്പിച്ച യുവ ഡോക്ടർ പിടിയിൽ
ആലപ്പുഴ: വിവാഹ വാഗ്ദാനം നൽകി യുവതിയെ ഒരുവർഷത്തോളമായി പീഡിപ്പിച്ചു വന്നിരുന്ന തമിഴ്നാട് മധുര സ്വദേശി കേശവ് രമണ (28) നെ നോർത്ത് പോലീസ് സ്റ്റേഷനിലെ പ്രേത്യേക അന്വേഷണ സംഘം പിടികൂടി. തിരുവനന്തപുരം സ്വദേശിയായ യുവതിയെ പീഡിപ്പിച്ച ഡോക്ടറെ തമിഴ്നാട്ടിൽ നിന്നാണ് അറസ്റ്റ് ചെയ്തത്.
ആലപ്പുഴയിലെ സ്വകാര്യ സ്ഥാപനത്തിൽ ഇരുവരും ഒരുമിച്ച് ജോലി ചെയ്തിരുന്ന സമയത്താണ് കേസിനാസ്പദമായ സംഭവം നടന്നത്. മറ്റൊരു പെൺകുട്ടിയുമായി വിവാഹം ഉറപ്പിച്ചിരുന്ന വിവരം ഒളിച്ചു വച്ചു തിരുവനന്തപുരം സ്വദേശിനിയോട് വിവാഹ വാഗ്ദാനം നൽകി പീഡിപ്പിച്ചു വരുകയായിരുന്നു.
തന്നെ വിവാഹം കഴിക്കണം എന്ന് യുവതി ആവശ്യപ്പെട്ടപ്പോൾ മറ്റൊരു യുവതിയുമായി വിവാഹം ഉറപ്പിച്ചിരിക്കുകയാണെന്ന വിവരം ഡോക്ടർ അറിയിച്ചു. യുവതി പരാതി നൽകിയതോടെ ജോലി ഉപേക്ഷിച്ചു നാടുവിട്ട് തമിഴ്നാട്ടിലെ വിവിധ സ്ഥലങ്ങളിലായി ഒളിവിൽ കഴിഞ്ഞിരുന്ന പ്രതിയെ നോർത്ത് സി.ഐ സജികുമാറിൻ്റെ നേതൃത്വത്തിൽ എസ്.ഐ ദേവിക, സുഭാഷ്, വിനു,ലവൻ, സുജിത് എന്നിവർ അടങ്ങുന്ന അന്വേഷണ സംഘം അറസ്റ്റ് ചെയ്യുകയായിരുന്നു. അറസ്റ്റിലായ പ്രതിയെ കോടതി റിമാൻറ് ചെയ്തു.
