അനുബന്ധ വാര്ത്തകള്
- അവന് മാത്രം വിക്കറ്റ് കിട്ടിയാല് പോരല്ലോ..! പന്ത് കയ്യിലെടുത്ത് രോഹിത്
- എത്ര വര്ഷങ്ങള്ക്ക് ശേഷമാണ് ഇങ്ങനെയൊരു കാഴ്ച ! ഇന്ത്യക്കായി പന്തെറിഞ്ഞത് ഒന്പത് പേര്
- ആർച്ചറെ റിലീസ് ചെയ്ത് മുംബൈ, സ്റ്റോക്സ് വേണ്ടെന്ന് ചെന്നൈയും കൊൽക്കത്തയിൽ നിന്ന് റസലും പുറത്ത്
- മൈതാനത്ത് മാത്രമല്ല അവൻ പുറത്തും മാതൃക, രോഹിത്തിനെ പുകഴ്ത്തി ദ്രാവിഡ്
- ബാബറിനെ ബലിയാടാക്കി വിമർശനങ്ങളിൽ നിന്നും പാക് ക്രിക്കറ്റ് രക്ഷപ്പെട്ടോടുന്നു: വസീം അക്രം
സെമിയില് ന്യൂസിലന്ഡിനെ കറക്കി വീഴ്ത്താന് അശ്വിന്; സൂര്യകുമാറിനെ പ്ലേയിങ് ഇലവനില് നിന്ന് ഒഴിവാക്കിയേക്കും
ലോകകപ്പ് സെമി ഫൈനലില് ഇന്ത്യ ന്യൂസിലന്ഡിനെതിരെ ഇറങ്ങുക സൂര്യകുമാര് യാദവ് ഇല്ലാതെ. സൂര്യക്ക് പകരം രവിചന്ദ്രന് അശ്വിന് പ്ലേയിങ് ഇലവനില് സ്ഥാനം പിടിക്കാനാണ് സാധ്യത. അഞ്ച് ബൗളര്മാര് മാത്രമായി നോക്കൗട്ടില് ഇറങ്ങുന്നത് ചിലപ്പോള് തിരിച്ചടിയായേക്കുമെന്ന വിലയിരുത്തലിനെ തുടര്ന്നാണ് ഓള്റൗണ്ടര് കൂടിയായ അശ്വിനെ ആറാം ബൗളര് എന്ന നിലയില് പ്ലേയിങ് ഇലവനില് ഉള്പ്പെടുത്താന് ആലോചിക്കുന്നത്.
ഹാര്ദിക് പാണ്ഡ്യ പരുക്കേറ്റ് പുറത്തായതിനു ശേഷം ആറാം ബൗളര് ഓപ്ഷന് ഇല്ലാതെയാണ് ഇന്ത്യ ഇതുവരെ കളിച്ചത്. എന്നാല് നോക്കൗട്ടില് ആറാം ബൗളര് ഇല്ലെങ്കില് ഒരുപക്ഷേ ബൗളിങ് യൂണിറ്റിന് തിരിച്ചടിയായേക്കും. ഈ സാഹചര്യത്തിലാണ് അശ്വിനെ പ്ലേയിങ് ഇലവനില് ഉള്പ്പെടുത്തുന്നത്. ലോകകപ്പില് ഇന്ത്യയുടെ ഒന്പത് ലീഗ് മത്സരങ്ങളും പൂര്ത്തിയായപ്പോള് അതില് ഒരെണ്ണത്തില് മാത്രമാണ് അശ്വിന് അവസരം ലഭിച്ചത്. ഓസ്ട്രേലിയയ്ക്കെതിരായ ആദ്യ മത്സരത്തില് മാത്രം. പിന്നീട് എല്ലാ കളികളിലും താരം ബെഞ്ചില് ആയിരുന്നു.
സെമി ഫൈനലിനുള്ള സാധ്യത ഇലവന്: രോഹിത് ശര്മ, ശുഭ്മാന് ഗില്, വിരാട് കോലി, ശ്രേയസ് അയ്യര്, കെ.എല്.രാഹുല്, രവീന്ദ്ര ജഡേജ, രവിചന്ദ്രന് അശ്വിന്, മുഹമ്മദ് ഷമി, കുല്ദീപ് യാദവ്, മുഹമ്മദ് സിറാജ്, ജസ്പ്രീത് ബുംറ
