അനുബന്ധ വാര്ത്തകള്
- 1996ലെ എന്റെ ടീം ഇപ്പോഴാണ് കളിക്കുന്നതെങ്കില് ഈ ഇന്ത്യന് ടീമിനെ ഇന്ത്യയില് 3 ദിവസത്തില് തോല്പ്പിച്ചേനെ: അര്ജുന രണതുംഗെ
- ടെസ്റ്റിൽ ഇങ്ങനെ പോയാൽ പറ്റില്ല, ബോർഡർ ഗവാസ്കർ ട്രോഫി കൈവിട്ടാൻ ടെസ്റ്റ് കോച്ച് സ്ഥാനത്ത് നിന്നും ഗംഭീർ പുറത്ത്!
- സ്പിന്നിനെതിരെ തിളങ്ങുന്ന ബാറ്റർ, സഞ്ജുവിനെ എന്തുകൊണ്ട് ടെസ്റ്റിൽ എടുക്കുന്നില്ല
- പൊരുതിയത് പന്ത് മാത്രം, ഇന്ത്യൻ മണ്ണിൽ ഇന്ത്യയെ കുഴിച്ചുമൂടി കിവികൾ, ഇത് ചരിത്രത്തിലെ ഏറ്റവും വലിയ നാണക്കേട്
- Rohit sharma:തോൽക്കുമോ? തോറ്റാൽ നാണക്കേട്, ടെസ്റ്റ് ചരിത്രത്തിലെ ഏറ്റവും മോശം ക്യാപ്റ്റനായി രോഹിത് മാറും, കൈകഴുകാൻ ഗംഭീറിനും സാധിക്കില്ല
New Test Opener: രോഹിത് പോകുന്നതോടെ ഓപ്പണിംഗ് റോളിൽ ആരെത്തും, സായ് സുദർശന് സാധ്യതയോ?
New Test Opener
അതേസമയം രോഹിത്തിന്റെ പകരം ആര് ഓപ്പണിംഗ് റോളില് വരും എന്നതും ഇന്ത്യയ്ക്ക് ആലോചിക്കേണ്ടി വരും. ഇംഗ്ലണ്ടിനെതിരെ അവരുടെ നാട്ടില് നടക്കുന്ന മത്സരത്തില് മികച്ച പേസര്മാരടങ്ങുന്ന ഇംഗ്ലണ്ട് ബൗളിംഗ് നിരയെ നേരിടുക എന്നത് പ്രയാസമേറിയ കാര്യമായിരിക്കും.യശ്വസി ജയ്സ്വാളിനൊപ്പം ശുഭ്മാന് ഗില്ലിന് ഓപ്പണിംഗിലേക്ക് തിരിച്ചെത്താന് അവസരമുണ്ടെങ്കിലും ഗില് മൂന്നാം നമ്പര് സ്ഥാനമാണ് തെരെഞ്ഞെടുക്കാന് സാധ്യത. എങ്കിലും പുതിയ സാഹചര്യത്തില് ഓപ്പണിംഗിലേക്ക് തന്നെ തിരിച്ചെത്താനും സാധ്യതകളുണ്ട്.
നിലവില് കെ എല് രാഹുല്, ശുഭ്മാന് ഗില്, സായ് സുദര്ശന് എന്നീ പേരുകളാകും ടെസ്റ്റ് ഫോര്മാറ്റിലെ ഓപ്പണിംഗ് റോളിലേക്ക് ജയ്സ്വാളിനൊപ്പം പരിഗണിക്കപ്പെടുക. ഐപിഎല്ലിലും ഇന്ത്യയ്ന് എയ്ക്കൊപ്പവും മികച്ച പ്രകടനം കാഴ്ചവെയ്ക്കുന്ന സായ് സുദര്ശന് സ്ഥിരതയുള്ള കളിക്കാരനാണ്. എന്നാല് ടെസ്റ്റ് ഫോര്മാറ്റില് മത്സരപരിചയമില്ല എന്നത് തിരിച്ചടിയാണ്. രോഹിത്തിന് പോലെ ഒരു പരിചയസമ്പന്നനെ ടീമിന് ആവശ്യമുണ്ട് എന്ന തീരുമാനമാണ് ടീം മാനേജ്മെന്റ് എടുക്കുന്നതെങ്കില് കെ എല് രാഹുലാകും ആദ്യ ചോയ്സ്. ഇംഗ്ലണ്ടില് 9 മത്സരങ്ങളില് നിന്നും 2 സെഞ്ചുറികളടക്കം 614 റണ്സുണ്ട് എന്ന മികച്ച റെക്കോര്ഡും രാഹുലിന് അനുകൂലമാണ്.
നിലവില് 2025-27 ടെസ്റ്റ് ചാമ്പ്യന്ഷിപ്പ് ഫൈനല് ലക്ഷ്യമാക്കിയുള്ള അഴിച്ചുപണിയിലാണ് ബിസിസിഐ. പുതിയ സൈക്കിളില് പുതിയ നായകന് വേണമെന്ന തീരുമാനവും ഇതിന്റെ ഭാഗമാണ്. ഈ സാഹചര്യത്തിലാണ് സായ് സുദര്ശനെ പോലുള്ള താരങ്ങളെ ഇന്ത്യ തെരെഞ്ഞെടുക്കുവാനുള്ള സാധ്യതയും ഉയരുന്നത്.
