അനുബന്ധ വാര്ത്തകള്
- കോലിയ്ക്കും ധോനിയ്ക്കും സ്വപ്നം കാണാനാവാത്ത നേട്ടം, സെഞ്ചുറിയോടെ റെക്കോർഡ് ബുക്കിൽ ഇടം നേടി രോഹിത്
- ഇന്ത്യയ്ക്ക് നിരാശ, മൂന്നാം ടെസ്റ്റിലും ബുമ്ര തിരിച്ചെത്തിയേക്കില്ല
- കാട്ടിയതെല്ലാം മണ്ടത്തരം, പാറ്റ് കമ്മിൻസിനെതിരെ രൂക്ഷവിമർശനവുമായി മാത്യു ഹെയ്ഡൻ
- Rohit Sharma: മുന്നില് നിന്ന് നയിച്ച് നായകന്, നാഗ്പൂര് ടെസ്റ്റില് രോഹിത് ശര്മയ്ക്ക് സെഞ്ചുറി
- നാഗ്പൂര് ടെസ്റ്റ്: ഇന്ത്യയും തകര്ച്ചയിലേക്ക് ! അഞ്ച് വിക്കറ്റുകള് നഷ്ടമായി
ടെസ്റ്റിൽ ഇനിയും ശാപമോക്ഷം നേടാനാവാതെ കോലി, കണക്കുകൾ ആശങ്കപ്പെടുത്തുന്നത്
ഏറെ നാളായുള്ള തൻ്റെ സെഞ്ചുറി വരൾച്ചയ്ക്ക് അറുതി കുറിച്ച് കഴിഞ്ഞ വർഷമാണ് വിരാട് കോലി തൻ്റെ സ്വതസിദ്ധമായ ബാറ്റിംഗിലേക്ക് മടങ്ങിയെത്തിയത്. ആദ്യം ടി20യിൽ തൻ്റെ സെഞ്ചുറി കുറിച്ച കോലി ഏകദിനത്തിലും സെഞ്ചുറി പ്രകടനങ്ങൾ നടത്തികൊണ്ട് തിരിച്ചുവന്നു. ടെസ്റ്റിൽ ഓസ്ട്രേലിയൻ പരമ്പരയിൽ ഫോമിലേക്കുയരുമെന്നാണ് ആരാധകരുടെ പ്രതീക്ഷയെങ്കിലും ആദ്യ ടെസ്റ്റ് മത്സരത്തിൽ ആരാധകരെ നിരാശപ്പെടുത്തിയിരിക്കുകയാണ് കോലി.
26 പന്തിൽ 12 റൺസ് നേടിയ കോലി അരങ്ങേറ്റക്കാരനായ സ്പിന്നർ ടോഡ് മർഫിയുടെ പന്തിലാണ് പുറത്തായത്. മോശം ഷോട്ട് സെലക്ഷനാണ് വിക്കറ്റ് നഷ്ടമാവാൻ കാരണമായത്. സമീപകാലത്തായി സ്പിൻ ബൗളിങ്ങിനെതിരായ മോശം പ്രകടനം കോലി തുടരുകയായിരുന്നു. 2022 മുതലുള്ള കണക്കുകൾ എടുത്താൽ ഒരു 12 ഇന്നിങ്ങ്സുകളിൽ ഒരു തവണ മാത്രമാണ് കോലിക്ക് അർധസെഞ്ചുറിക്ക് മുകളിൽ സ്കോർ ചെയ്യാനായിട്ടുള്ളത്. 79*,29,45,23,13,11,20,1,19*,24,1,12 എന്നിങ്ങനെയാണ് താരത്തിൻ്റെ കഴിഞ്ഞ വർഷത്തെ സ്കോറുകൾ.
പരിമിത ഓവർ ക്രിക്കറ്റിലേത് പോലെ ടെസ്റ്റിലും കോലി ശക്തമായി മടങ്ങിവരുമെന്നാണ് ആരാധകർ പ്രതീക്ഷിക്കുന്നത്. 3 ടെസ്റ്റുകൾ ഇനിയും ബാക്കിനിൽക്കുന്നുവെന്നതും മറ്റ് ഫോർമാറ്റിലെ മികച്ച ഫോം കോലിയെ പോലൊരു താരത്തിന് ടെസ്റ്റിലേക്കും പകർത്താനാകുമെന്നും ആരാധകർ പ്രതീക്ഷിക്കുന്നു.
