അനുബന്ധ വാര്ത്തകള്
- പാക്കിസ്ഥാന് ശക്തര്, അവര്ക്ക് മികച്ച കളിക്കാരുണ്ട്, പക്ഷേ...; ജീവന്മരണ പോരാട്ടത്തിനു മുന്പ് കോലിയുടെ പ്രതികരണം
- പാക്കിസ്ഥാനെതിരെ ഇന്ത്യയുടെ സാധ്യതാ ഇലവന് ഇങ്ങനെ; ഒരു സ്പിന്നര് മാത്രമെന്ന് സൂചന
- ചര്ച്ചകളില് രോഹിത്തിനെയും ഒപ്പംകൂട്ടി കോലി, തീരുമാനങ്ങളെടുക്കുന്നത് നാല്വര് സംഘം; ഇന്ത്യന് ക്യാംപില് സംഭവിക്കുന്നത്
- ധോണിയും ശാസ്ത്രിയും കോലിയും തമ്മില് ഈഗോ പ്രശ്നങ്ങള്; ഒടുവില് മറുപടിയുമായി ഗാംഗുലി
- ടി 20 ലോകകപ്പ്: ഇന്ത്യയ്ക്കായി ഏറ്റവും കൂടുതല് റണ്സ് നേടിയ താരം ആര്?
സന്തോഷ വാര്ത്ത ! നിര്ണായക മത്സരങ്ങളില് പാണ്ഡ്യ പന്തെറിയും, സൂചന നല്കി കോലി
ടി 20 ലോകകപ്പില് നിര്ണായക മത്സരങ്ങളില് ആറാം ബൗളറായി ഹാര്ദിക് പാണ്ഡ്യയുണ്ടാകുമെന്ന സൂചന നല്കി ഇന്ത്യന് നായകന് വിരാട് കോലി. പന്തെറിയാന് സാധിക്കുന്ന വിധം ഹാര്ദിക്കിന്റെ ഫിറ്റ്നെസ് മെച്ചപ്പെട്ടു വരുന്നതായി കോലി വ്യക്തമാക്കി. നിര്ണായക സമയത്ത് രണ്ട് ഓവര് എങ്കിലും എറിയുന്ന വിധത്തിലേക്ക് പാണ്ഡ്യ ഉടന് എത്തുമെന്നാണ് തങ്ങള് പ്രതീക്ഷിക്കുന്നതെന്നും കോലി പറഞ്ഞു. സൂപ്പര് 12 റൗണ്ടില് പാണ്ഡ്യ പന്തെറിഞ്ഞില്ലെങ്കിലും നോക്കൗട്ട് ഘട്ടത്തില് ആറാം ബൗളറായി പാണ്ഡ്യ ഉണ്ടാകുമെന്നാണ് കോലിയുടെ പ്രതികരണത്തില് നിന്നു മനസിലാകുന്നത്. പാണ്ഡ്യ പന്തെറിയാന് കൂടി തുടങ്ങിയാല് ഇന്ത്യയ്ക്ക് കൂടുതല് സാധ്യതകളുണ്ടാകും. പാണ്ഡ്യ പന്തെറിയുന്നില്ലെങ്കില് അതിനു ബദലായ സാധ്യതകള് ഇന്ത്യ തേടിയിട്ടുണ്ടെന്നും കോലി വ്യക്തമാക്കി. ബാക്ക് ഇന്ജുറിയെ തുടര്ന്ന് 2019 ലാണ് പാണ്ഡ്യ ബൗളിങ്ങില് നിന്ന് ഇടവേളയെടുത്തത്.
