അനുബന്ധ വാര്ത്തകള്
- വെറും 43 റൺസ് മാത്രം, ഐപിഎല്ലിൽ വിരാട് കോലിയെ കാത്ത് അപൂർവനേട്ടം
- വിജയിക്കണമെങ്കിൽ കൊഞ്ചം നല്ലാ ബൗൾ കൂടെ ചെയ്യണം, തോൽവിയിൽ ജേസൺ ഹോൾഡർക്കെതിരെ രൂക്ഷവിമർശനം
- പിറന്നാൾ ദിനത്തിൽ രോഹിത്തിനെ സഞ്ജു ചതിച്ചതോ? വിക്കറ്റിനെ ചൊല്ലി തർക്കിച്ച് ആരാധകർ
- ജയ്സ്വാളിൻ്റെ ഒറ്റയാൾ പ്രകടനം പാഴായി, മുംബൈക്കെതിരെ രാജസ്ഥാന് ഞെട്ടിക്കുന്ന തോൽവി
- റൺവേട്ടയിൽ ബാബർ അസമിനെ മറികടന്ന് കോൺവെ
ഓടി ഓടി ജയിക്കുകയായിരുന്നു, ചെന്നൈയ്ക്കെതിരായ വിജയത്തിൽ സിക്കന്ദർ റാസ
ഐപിഎല്ലിൽ ചെന്നൈ സൂപ്പർ കിംഗ്സിനെതിരായ മത്സരത്തിൽ ഓടി ഓടിയാണ് വിജയിച്ചതെന്ന് പഞ്ചാബ് ഓൾ റൗണ്ടർ സിക്കന്ദ റാസ. ചെന്നൈ ചെപ്പോക്ക് സ്റ്റേഡിയത്തിൽ നടന്ന മത്സരത്തിൽ അവസാന പന്തിൽ 3 റൺസ് നേടിയാണ് ചെന്നൈയെ പഞ്ചാബ് പരാജയപ്പെടുത്തിയത്. സിംബാബ്വെ സംസ്കാരത്തിൽ നിന്നും വരുന്ന താൻ വ്യക്തിഗത പ്രകടനങ്ങളേക്കാൾ ടീമിൻ്റെ വിജയത്തിനാണ് പ്രാധാന്യം നൽകുന്നതെന്ന് റാസ പറഞ്ഞു.
മത്സരത്തിൻ്റെ അവസാന നിമിഷങ്ങളിൽ ബാറ്റിംഗിനിറങ്ങിയ സിക്കന്ദർ റാസ 7 പന്തിൽ നിന്നും 13 റൺസാണ് നേടിയത്. അവസാന പന്തിൽ വിജയിക്കാൻ 3 റൺസ് വേണമെന്ന നിലയിൽ ബൗണ്ടറിയിലേക്കടിച്ച ഷോട്ട് ചെന്നൈ തടുത്തിട്ടെങ്കിലും 3 റൺസ് സ്വന്തമാക്കാൻ പഞ്ചാബിന് സാധിച്ചിരുന്നു. അവസാന പന്തിൽ വിജയം ഒരു ബൗണ്ടറി അകലെയായിരുന്നു അത് നേടാനായില്ലെങ്കിൽ ഓടിയെടുക്കുമെന്ന തീരുമാനത്തിലായിരുന്നു. റണ്ണിംഗ് ലൈക്ക് ഹെൽ. അങ്ങനെ ഓടിയാണ് വിജയിച്ചത്. റാസ പറഞ്ഞു.
