അനുബന്ധ വാര്ത്തകള്
- പോർച്ചുഗൽ ഇല്ലാതെ ഒരു ലോകകപ്പ് ഇല്ല, ഞങ്ങളെ ഞെട്ടിക്കാൻ നോർത്ത് മാസിഡോണിയക്ക് കഴിയില്ല:ക്രിസ്റ്റ്യാനോ റൊണാൾഡോ
- ഹാട്രിക്കും റെക്കോഡും നേടി വിമർശകരുടെ വായടപ്പിച്ച് റൊണാൾഡോ, ടോട്ടനത്തെ തവിടുപൊടിയാക്കി യുണൈറ്റഡ്
- മാഞ്ചസ്റ്റർ ചുവപ്പല്ല, നീല! മാഞ്ചസ്റ്റർ യുണൈറ്റഡിനെ പഞ്ഞിക്കിട്ട് സിറ്റി
- ലോകത്തിലെ നമ്പർ 1 സ്ട്രൈക്കർ ബെൻസമേ: മെസ്സിയേയും ക്രിസ്റ്റിയാനോയേയും തള്ളി റൊണാൾഡോ
- ഗ്രീൻവുഡിന്റെ ക്രൂരമർദ്ദനത്തിന്റെ ചിത്രങ്ങൾ പുറത്തുവിട്ട് കാമുകി, താരത്തിനെ പുറത്താക്കി യുണൈറ്റഡ്, പിന്നാലെ അറസ്റ്റ്
റൊണാൾഡോയെ എത്തിച്ചത് യുണൈറ്റഡിന് ഗുണം ചെയ്തില്ലെന്ന് വെയ്ൻ റൂണി
ഫുട്ബോൾ ഇതിഹാസം ക്രിസ്റ്റ്യാനോ റൊണാൾഡോയെ യുവന്റസിൽ നിന്നും മാഞ്ചസ്റ്റർ യുണൈറ്റഡിലേക്ക് തിരികെയെത്തിച്ചത് ടീമിന് ഗുണം ചെയ്തില്ലെന്ന് മാഞ്ചസ്റ്റർ യുണൈറ്റഡ് ഇതിഹാസ താരം വെയ്ൻ റൂണി.
റൊണാൾഡോ ചാമ്പ്യൻസ് ലീഗിൽ അടക്കം നിർണായക ഗോൾ നേടിയിട്ടുണ്ട്. ടോട്ടന്നത്തിനെതിരെ ഹാട്രിക്കും നേടി. എല്ലാം ശരി തന്നെ പക്ഷേ ഇപ്പോൾ മാഞ്ചസ്റ്റർ യുണൈറ്റഡ് സ്വന്തമാക്കേണ്ടത് യുവതാരങ്ങളെയാണ്. ഇരുപതുകളിലല്ല റൊണാൾഡൊ കളിക്കുന്നത്. ഫുട്ബോളിൽ ഇങ്ങനെ സംഭവിക്കുന്നത് സ്വാഭാവികമാണ്.
റൊണാൾഡോ ഗോളുകൾ നേടുന്നുണ്ട്. എന്നാൽ ഗോളിനപ്പുറം മത്സരത്തിലെ ബാക്കി നിമിഷങ്ങളിലും ടീമിനെ സഹായിക്കാൻ ആകുന്ന താരങ്ങളെയാണ് ക്ലബിന് ആവശ്യം റൂണി പറഞ്ഞു. ചാമ്പ്യൻസ് ലീഗിൽ നിന്നും പുറത്തായ യുണൈറ്റഡ് അടുത്ത സീസണിൽ പോലും പ്രീമിയർ ലീഗിൽ യോഗ്യത നേടിയേക്കില്ല എന്ന സാഹചര്യമാണ് ഇപ്പോഴുള്ളത്. ഇതിനെ തുടർന്നാണ് വെയ്ൻ റൂണിയുടെ പ്രതികരണം.
