നോർത്ത് മാസിഡോണിയയെ വീഴ്‌ത്തി ഖത്തർ ലോകകപ്പിലേക്ക് പോർച്ചുഗൽ യോഗ്യത നേടുമെന്ന് ഉറപ്പിച്ച് ക്രിസ്റ്റ്യാനോ റൊണാൾഡോ. പോർച്ചുഗൽ ഇല്ലാതെ ഒരു ലോകകപ്പ് ഉണ്ടാവില്ലെന്നാണ് ക്രിസ്റ്റ്യാനോ പറയുന്നത്.

ലോകക്അപ്പ് യോഗ്യത മത്സരങ്ങളിൽ ഗ്രൂപ്പിൽ സെർബിയക്കും പിന്നിൽ രണ്ടാമത് ഫിനിഷ് ചെയ്‌തതാണ് പ്ലേ ഓഫ് കളിക്കാൻ ടീമിനെ നിർബന്ധിതമാക്കിയത്. പ്ലേ ഓഫിൽ തുർക്കിയെ ഒന്നിനെതിരെ 3 ഗോളുകൾക്ക് തകർത്താണ് പോർച്ചുഗൽ ഫൈനലിൽ എത്തിയത്. മാസിഡോണിയയ്ക്കെതിരെ വിജയം നേടിയെങ്കിൽ മാത്രമെ പോർച്ചുഗലിന് ഇത്തവണ ഖ‌ത്തർ ലോകകപ്പിൽ കളിക്കുവാൻ സാധിക്കുകയുള്ളു.

ഖത്തറിൽ ക്രിസ്റ്റ്യാനോ ഉണ്ടായേക്കില്ല എന്ന റിപ്പോ‌ർട്ടുകളെ പറ്റി ചോദിച്ചപ്പോഴാണ് ക്രിസ്റ്റ്യാനോയുടെ വാക്കുകൾ.വിരമിക്കലിനെ പറ്റിയും താരം പ്രതികരിച്ചു. എന്റെ ഭാവിയെ പറ്റി ഞാനാണ് തീരുമാനിക്കേണ്ടത് ഞാൻ ആണ് മറ്റാരുമല്ല. കൂടുതൽ കളിക്കണമെന്ന് തോന്നുകയാണെങ്കിൽ ഞാൻ കളിക്കും അല്ലെങ്കിൽ ഞാൻ കളിക്കില്ല. പക്ഷേ തീരുമാനം എന്റേതാകും. ക്രിസ്റ്റ്യാനോ പറഞ്ഞു.