അനുബന്ധ വാര്ത്തകള്
- തന്റെ വാക്ക് കേട്ടില്ല; ഗാംഗുലിക്ക് കോലിയോട് നീരസം, ഒടുവില് പുറത്തേക്ക്
- മുന്പും ഇങ്ങനെ ചെയ്തിട്ടില്ലേ? എന്തെങ്കിലും പ്രശ്നം ഉണ്ടായിരുന്നോ?; കോലി-രോഹിത് അഭിപ്രായ വ്യത്യാസത്തിനു സാധ്യതയില്ലേ എന്ന് ചോദിച്ചപ്പോള് ഗാംഗുലിയുടെ മറുപടി ഇങ്ങനെ
- ട്വന്റി 20 നായകസ്ഥാനം ഒഴിയരുതെന്ന് ഞങ്ങള് കോലിയോട് ആവശ്യപ്പെട്ടിരുന്നു; നിര്ണായക വെളിപ്പെടുത്തലുമായി സൗരവ് ഗാംഗുലി
- കോലിയുടെ ഏകദിന നായകസ്ഥാനം നഷ്ടപ്പെടാന് കാരണം ദ്രാവിഡിന്റെ നിലപാട് ! പിന്തുണ രോഹിത്തിന്
- അന്ന് മനസ് തകര്ന്നു, നിരാശനായി; 2011 ലോകകപ്പില് പുറത്തിരുന്നവന് 2023 ലോകകപ്പില് ഇന്ത്യയുടെ നായകന്
അശ്വിന് കോലിക്കെതിരെ പരാതി നല്കിയത് ഒന്നിലേറെ തവണ; ബിസിസിഐ പ്രതിരോധത്തിലായി
വിരാട് കോലിയെ ഏകദിന നായകസ്ഥാനത്തു നിന്ന് മാറ്റിയത് കളിക്കാരുടെ സമ്മര്ദത്തെ തുടര്ന്നെന്ന് സൂചന. ഇന്ത്യയ്ക്കായി ഇപ്പോള് കളിക്കുന്ന പല പ്രമുഖ താരങ്ങളും കോലിക്കെതിരെ പരാതി നല്കിയിട്ടുണ്ടെന്നാണ് റിപ്പോര്ട്ട്. ആദ്യമൊക്കെ ഈ പരാതികളെ ബിസിസിഐ മുഖവിലയ്ക്കെടുത്തിരുന്നില്ല. എന്നാല്, ഇന്ത്യന് ടീമിന്റെ അവിഭാജ്യ ഘടകമായ ചില സീനിയര് താരങ്ങള് തന്നെ കോലിക്കെതിരെ രംഗത്തെത്തിയതോടെ ബിസിസിഐയും പ്രതിരോധത്തിലായി. തന്നെ നിരന്തരം പ്ലേയിങ് ഇലവനില് നിന്ന് ഒഴിവാക്കുന്നതിനെതിരെ ഓഫ് സ്പിന്നര് രവിചന്ദ്രന് അശ്വിന് ബിസിസിഐയ്ക്ക് ഒന്നിലേറെ തവണ പരാതി നല്കിയിട്ടുണ്ടെന്നാണ് വിവരം. ടീം തിരഞ്ഞെടുപ്പില് കോലി പക്ഷപാതിത്വം കാണിക്കുന്നുവെന്ന ആരോപണം ബിസിസിഐ വലിയ ഗൗരവമായാണ് കണ്ടത്. ചില കളിക്കാര്ക്കു നിരന്തരം അവസരം നല്കുകയും മറ്റു ചിലരെ സ്ഥിരമായി ബെഞ്ചിലിരുത്തുകയും ചെയ്യുന്ന കോലിയുടെ ശൈലി കളിക്കാര്ക്കു ബിസിസിഐക്കും ഒരുപോലെ അനിഷ്ടമായി. അശ്വിന് അടക്കമുള്ള താരങ്ങള് പരാതി പറഞ്ഞതിനു പിന്നാലെയാണ് കോലിയുടെ ക്യാപ്റ്റന്സി തുലാസിലായത്. ആദ്യമൊക്കെ കോലിയെ പിന്തുണച്ചിരുന്ന ബിസിസിഐ അധ്യക്ഷന് സൗരവ് ഗാംഗുലിയും സമ്മര്ദത്തിലായി.
