അനുബന്ധ വാര്ത്തകള്
- കൊല്ക്കത്തയ്ക്ക് തിരിച്ചടി; ഷാക്കിബ് ഈ സീസണില് കളിക്കില്ല !
- ചെന്നൈയ്ക്ക് വേണ്ടി തിളങ്ങി വീണ്ടും ഗെയ്ക്വാദ്
- അമ്പതുകൾക്ക് മുകളിൽ റൺസ് തവണ 50 തവണ: ഐപിഎല്ലിൽ കോലിയ്ക്ക് സ്വപ്നനേട്ടം
- വൺ സീസൺ വണ്ടറല്ല അവൻ, ഇന്ത്യ നോക്കിവെയ്ക്കേണ്ട മധ്യനിര താരം, യുവരാജിന് ശേഷം ഇന്ത്യ പ്രതീക്ഷ വെയ്ക്കേണ്ട ഇടം കയ്യൻ
- ഞാൻ ബൗൾ ചെയ്യണോ? സഞ്ജുവിനോ ചോദിച്ച് ജോസേട്ടൻ: വീഡിയോ വൈറൽ
'ആളറിഞ്ഞ് കളിക്ക് പിള്ളേരെ'; ഫിനിഷര് റോളില് തിളങ്ങി ധോണി, കണ്ണുതള്ളി മാര്ക്ക് വുഡ്
മാര്ക്ക് വുഡ് എറിഞ്ഞ 20-ാം ഓവറില് തുടര്ച്ചയായി രണ്ട് സിക്സുകള് പറത്തിയാണ് ധോണി തന്റെ ഫിനിഷിങ് മികവൊന്നും അങ്ങനെ കൈമോശം വരില്ലെന്ന് തെളിയിച്ചത്
ഐപിഎല് 16-ാം സീസണില് പ്രകടനം കൊണ്ട് ഏറെ ശ്രദ്ധിക്കപ്പെട്ട ബൗളറാണ് ലഖ്നൗ സൂപ്പര് ജയന്റ്സിന്റെ മാര്ക്ക് വുഡ്. വേഗത കൊണ്ട് ബാറ്റര്മാരെയെല്ലാം വെള്ളം കുടിപ്പിക്കുകയാണ് ഈ ഇംഗ്ലീഷ് താരം. എന്നാല് ഇന്നലെ നടന്ന ചെന്നൈ സൂപ്പര് കിങ്സിനെതിരായ മത്സരത്തില് മാര്ക്ക് വുഡ് ഒരാള്ക്ക് മുന്നില് ചൂളിപ്പോയി. സാക്ഷാല് ചെന്നൈ നായകന് മഹേന്ദ്രസിങ് ധോണിക്ക് മുന്നില്.
മാര്ക്ക് വുഡ് എറിഞ്ഞ 20-ാം ഓവറില് തുടര്ച്ചയായി രണ്ട് സിക്സുകള് പറത്തിയാണ് ധോണി തന്റെ ഫിനിഷിങ് മികവൊന്നും അങ്ങനെ കൈമോശം വരില്ലെന്ന് തെളിയിച്ചത്. മികച്ച വേഗതയില് വന്ന രണ്ട് പന്തുകളാണ് ധോണി തുടര്ച്ചയായി അതിര്ത്തി കടത്തിയത്. ആരാധകരെ ആവേശത്തിലാക്കിയ ഷോട്ടുകളായിരുന്നു രണ്ടും.
എത്ര മികച്ച ബൗളര് ആണെങ്കിലും ഫിനിഷര് ധോണിക്ക് മുന്നില് അതൊന്നും വിഷയമല്ലെന്നാണ് ആരാധകര് പറയുന്നത്. 42 കാരനായ ധോണിക്ക് കാര്യമായി ഒന്നും ചെയ്യാന് പറ്റില്ലെന്ന് പലരും വിധിയെഴുതിയപ്പോള് വളരെ കൂളായി അവര്ക്കൊക്കെ ബാറ്റ് കൊണ്ട് മറുപടി കൊടുക്കുകയാണ് ധോണി. മാര്ക്ക് വുഡിന്റെ അടുത്ത പന്തില് ധോണി പുറത്തായെങ്കിലും തുടര്ച്ചയായി രണ്ട് പന്തുകള് സിക്സര് പറത്തിയ ധോണിയുടെ ഷോട്ടുകള് ആരാധകര് ഒരിക്കലും മറക്കില്ല.
