ഒരു ബൈലാറ്ററൽ സീരീസിൽ കോലിയുടെ ബാറ്റിങ് ശരാശരി 10ന് താഴെയെത്തുന്നത് രണ്ടാം തവണ മാത്രം, മോശം ദിനങ്ങൾ എന്ന് അവസാനിക്കും?
വിൻഡീസിനെതിരായ ഏകദിന പരമ്പര വിജയിച്ചുവെങ്കിലും ആരാധകരെ നിരാശരാക്കി വിരാട് കോലി. 2008 മുതൽ ആരംഭിച്ച തന്റെ ക്രിക്കറ്റ് കരിയറിൽ ഇത് രണ്ടാം തവണയാണ് ഒരു ബൈലാറ്ററൽ സീരീസിൽ കോലി 10ന് താഴെ ശരാശരിയിൽ അവസാനിപ്പിക്കുന്നത്.
3 മത്സരങ്ങളടങ്ങിയ പരമ്പരയിൽ 3 കളികളിൽ നിന്നും 8.67 ശരാശരിയിൽ 26 റൺസാണ് കോലി നേടിയത്. ഒരു ഡക്കും ഇതിൽ ഉൾപ്പെടുന്നു. ഇതിന് മുൻപ് 2012ൽ പാകിസ്ഥാനെതിരെ നടന്ന സീരീസിലാണ് കോലി 10ന് താഴെ ശരാശരിയിൽ പരമ്പര അവസാനിപ്പിച്ചത്.
അന്ന് 3 മത്സരങ്ങളിൽ നിന്നും 4.33 ശരാശരിയിൽ 13 റൺസായിരുന്നു കോലി നേടിയത്. ആ പരമ്പരയിലെ ഒരു മത്സരത്തിലും താരം പൂജ്യത്തിന് പുറത്തായിരുന്നു.
