അനുബന്ധ വാര്ത്തകള്
- ഗാംഗുലി നൽകിയത് മികച്ച പിന്തുണ, ധോണിയിൽനിന്നും കോഹ്ലിയിൽനിന്നും അതുണ്ടായില്ല: യുവ്രാജിന്റെ വെളിപ്പെടുത്തൽ
- ജീവനക്കാർ ഒരു മാസത്തെ ശമ്പളം നിർബ്ബന്ധമായും നൽകണം: സാലറി ചാലഞ്ചിന് മന്ത്രിസഭയുടെ അംഗീകാരം
- കോവിഡ് 19നെ കുറിച്ച് കൃത്യമായ വിവരങ്ങൾ നൽകാൻ പുതിയ ട്വിറ്റർ പേജ് ആരംഭിച്ച് കേന്ദ്ര സർക്കാർ
- വരാനുള്ളത് കഠിനമായ രണ്ടാഴ്ച, അമേരിക്കയിൽ മാത്രം രണ്ടര ലക്ഷത്തോളം പേർ മരിച്ചേക്കാം എന്ന് ട്രംപ്
- ഇനിയുള്ള ഒരാഴ്ച കേരളത്തിന് അതീവ നിർണായകം, വിദേശത്തുനിന്നെത്തിയവരുടെ ക്വറന്റീൻ കാലാവധി ഈ മാസം 7ന് അവസാനിക്കും
ആൻഡേഴ്സണ് സാധിക്കും എങ്കിൽ എനിക്കും സാധിക്കും, ഇന്ത്യൻ ടീമിൽ വീണ്ടും കളിക്കുമെന്ന് ശ്രീശാന്ത്
കൊച്ചി: ഐപിഎല്ലിൽ ഒത്തുകളിയുമായി ബന്ധപ്പെട്ട് ശ്രീശാന്തിന് ലഭിച്ച വിലക്ക് ഈ വർഷം സെപ്തംബറോടെ അവസാനിക്കും. സെപ്തംബറിശേഷം ഇന്ത്യയ്ക്കായി വീണ്ടും കളിയ്ക്കും എന്ന് പ്രതീക്ഷ പ്രകടിപ്പിക്കുകയാണ് ശ്രീശാന്ത് ഇപ്പോൾ. 37ആം വയസിൽ ജെയിംസ് ആൻഡേഴ്സണ് സ്ഥിരതയോടെ കളിക്കാൻ സാധിക്കുന്നു എങ്കിൽ തനിക്കും ഇന്ത്യക്കായി കളിയ്ക്കാൻ സാധിക്കും എന്നാണ് ശ്രീശാന്തിന്റെ പക്ഷം.
‘വിലക്ക് പിൻവലിച്ചതോടെ പുതിയൊരു ഇന്നിങ്സിലേക്ക് കടക്കുകയാണ് ഞാൻ. ഒരിക്കലും തോറ്റു പിൻമാറില്ല. 37ആത്തെ വയസിൽ സ്ഥിരതയോടെയും ആത്മവിശ്വാസത്തോടെയും കളിക്കുന്ന ജെയിംസ് ആൻഡേഴ്സനാണ് എന്റെ മാതൃക. അദ്ദേഹത്തിന് സാധിക്കുമെങ്കിൽ തീർച്ചയായും എനിക്കും സാധിക്കും. ഇന്ത്യയ്ക്കായി വീണ്ടും കളിക്കാനാകും എന്നു തന്നെയാണ് എന്റെ പ്രതീക്ഷ. ഏതെങ്കിലം കൗണ്ടിക്കായി രണ്ടു സീസണെങ്കിലും കളിക്കാമെന്നും പ്രതീക്ഷിക്കുന്നു. ഇതുവരെ എന്നെ പിന്തുണച്ച എല്ലാവർക്കും നന്ദി'. ശ്രീശാന്ത് പറഞ്ഞു.
2013ലെ ഐപിഎൽ വാതുവയ്പ് കേസിൽ ശ്രീശാന്തിന് ബിസിസിഐ ആജീവനാന്ത വിലക്ക് ഏർപ്പെടുത്തിയിരുന്നു. എന്നാൽ ഇതിനെതിരെ വലിയ നിയമ പോരാട്ടം തന്നെ ശ്രീശാന്ത് നടത്തി. പിന്നീട് സുപ്രീംകോടതിയുടെ ഇടപെടലിനെ തുടർന്ന് ബിസിസിഐ ഓംബുഡ്സ്മാൻ വിലക്ക് ഏഴു വർഷമായി കുറയ്ക്കുകയായിരുന്നു. ഈ വർഷം സെപ്തംബറൊടെ വിലക്ക് അവസാനിക്കും.
