ന്യൂസിലൻഡിനെതിരായ ടെസ്റ്റ് പരമ്പരയിൽ നിന്നും തന്നെ ഒഴിവാക്കാൻ മാനേജ്മെൻ്റിനോട് നിർദേശിച്ചിരുന്നതായി പാകിസ്ഥാൻ വിക്കറ്റ് കീപ്പർ ബാറ്റർ മുഹമ്മദ് റിസ്‌വാൻ. തനിക്ക് പകരം സർഫറാസ് ഖാനെ ടീമിലെടുക്കാൻ നിർദേശിച്ചിരുന്നതായും ഒരു അഭിമുഖത്തിനിടെ താരം വെളിപ്പെടുത്തി.

ഇംഗ്ലണ്ടിനെതിരെ മൂന്ന് മത്സരങ്ങളടങ്ങിയ പരമ്പരയിൽ 141 റൺസ് മാത്രമായിരുന്നു റിസ്‌വാന് നേടാനായത്.ബാറ്റിംഗിലെ മോശം പ്രകടനം കാരണം ടീമിലെ സ്ഥാനം ഞാൻ അർഹിക്കുന്നില്ലെന്ന് ക്രിക്കറ്റ് പാകിസ്ഥാനോട് പറഞ്ഞു റിസ്‌വാൻ പറയുന്നു. നിങ്ങൾക്ക് വേണമെങ്കിൽ ഇക്കാര്യം ടീം കോച്ച് സഖ്ലൈൻ മുഷ്താഖിനോട് ചോദിക്കാം. സർഫറാസ് അഹമ്മദ് നന്നായി കളിക്കുന്നതിൽ ഞാൻ സന്തോഷവാനാണ്.

കാരണം അത് ഞാൻ ആഗ്രഹിച്ചിരുന്നു.ഇംഗ്ലണ്ടിനെതിരെ നന്നായി കളിക്കാത്തതിനാൽ ടീമിൽ സ്ഥാനമർഹിക്കുന്നില്ലെന്ന് എനിക്ക് തോന്നി. എന്നാൽ കുറച്ച് മോശം പ്രകടനങ്ങളുടെ പേരിൽ ബെഞ്ചിലിരിക്കേണ്ട കാര്യമില്ലെന്നാണ് ചില താരങ്ങൾ എന്നോട് പറഞ്ഞത്. റിസ്വാൻ വെളിപ്പെടുത്തി.