ഡൽഹി ക്യാപ്പിറ്റൽസ് നായകൻ ഡേവിഡ് വാർണറുടെ മെല്ലെപ്പോക്ക് ബാറ്റിംഗിനെ രൂക്ഷമായി വിമർശിച്ച് മുൻ ഇന്ത്യൻ താരം ഹർഭജൻ സിംഗ്. ഇനി ഒരു തിരിച്ചുവരവ് നടത്താൻ ഡൽഹിക്ക് സാധിക്കില്ലെന്നും അവരുടെ നായകൻ ഡേവിഡ് വാർണർ തന്നെയാണ് ഇതിന് കാരണക്കാരനെന്നും ഹർഭജൻ പറഞ്ഞു.

വാർണറുടെ ഫോം ടീമിന് വലിയ പ്രശ്നമായിരുന്നു. നായകനെന്ന നിലയിലും തിളങ്ങാൻ വാർണറിയായില്ല. സൺറൈസേഴ്സ് ഹൈദരാബാദിനെതിരായ മത്സരത്തിൽ വാർണർ നേരത്തെ പുറത്തായതിനാലാണ് ഡൽഹി ചെയ്സിൽ അത്രയും അടുത്ത് വന്നത്. വാർണർ 50 പന്ത് കളിച്ചാൽ ആ 50 പന്തും പാഴാണ്. ഡൽഹി അൻപത് റൺസിന് പരാജയപ്പെടുമായിരുന്നു. ഹർഭജൻ പറഞ്ഞു. വാർണർ ഇപ്പോഴും മറ്റ് കളിക്കാര്യ്ടെ തെറ്റുകളെ പറ്റിയാണ് പറയുന്നതെന്നും സ്വന്തം തെറ്റുകൾ മനസിലാക്കാൻ വാർണർ ശ്രമിക്കണമെന്നും ഹർഭജൻ പറഞ്ഞു.