അനുബന്ധ വാര്ത്തകള്
- ഇന്ത്യ-ന്യൂസിലന്ഡ് ട്വന്റി 20 പരമ്പരയിലെ ആദ്യ മത്സരം ഇന്ന്; പകരംവീട്ടുമോ ഇന്ത്യ?
- ഇന്ത്യയ്ക്കെതിരായ ട്വന്റി 20 പരമ്പര: കിവീസിനെ നയിക്കാന് വില്യംസണ് ഇല്ല, പകരം ഈ താരം
- സിംഗിള് എടുക്കാന് പോലും അനുവദിച്ചില്ല, കോലിയുടെ ഈഗോ വച്ച് ന്യൂസിലന്ഡ് കളിച്ചു: ഹര്ഭജന് സിങ്
- എന്ത് മാനസികാവസ്ഥയിലാണ് നിങ്ങള് കളിക്കുന്നത് ? എനിക്ക് മനസിലാകുന്നില്ല; ഇന്ത്യയോട് അക്തര്
- പ്രതീക്ഷകള് അസ്തമിച്ചിട്ടില്ല...ഇന്ത്യക്ക് സെമിയില് എത്താം ! ഇങ്ങനെയൊരു ട്വിസ്റ്റ് നടന്നാല്
പടുകൂറ്റന് സിക്സ് പറത്തിയതിനു ശേഷം ചഹറിനെ നോക്കി ഗപ്റ്റില്; തൊട്ടടുത്ത പന്തില് പ്രതികാരം, വിക്കറ്റ് പോയ ശേഷം കിവീസ് ബാറ്ററെ തുറിച്ചുനോക്കി കണ്ണുരുട്ടി ചഹര് (വീഡിയോ)
ന്യൂസിലന്ഡിനെതിരായ ട്വന്റി20 പരമ്പരയിലെ ആദ്യ മത്സരത്തില് വിജയിച്ച് മുന്നിലെത്തിയിരിക്കുകയാണ് ടീം ഇന്ത്യ. ലോകകപ്പിലെ തോല്വിക്ക് പലിശ സഹിതം രോഹിത് ശര്മയും സംഘവും പകരംവീട്ടി. നാടകീയ ചില രംഗങ്ങളും കളിക്കിടെ ഉണ്ടായി. കിവീസ് ബാറ്റര് മാര്ട്ടിന് ഗപ്റ്റിലും ദീപക് ചഹറും തമ്മിലുള്ള 'കണ്ണുരുട്ടല്' സോഷ്യല് മീഡിയയില് ചര്ച്ചയായിട്ടുണ്ട്.
തകര്ത്തടിക്കുകയായിരുന്ന ഗപ്റ്റിലിനെ ദീപക് ചഹറാണ് പുറത്താക്കിയത്. 18-ാം ഓവറിലാണ് ചഹറിന്റെ വിക്കറ്റ് വീണത്. ചഹറിനെ പടുകൂറ്റന് സിക്സ് പറത്തിയതിനു ശേഷമാണ് ഗപ്റ്റില് പുറത്തായത്.
18-ാം ഓവര് എറിയാനെത്തിയ ചഹറിന്റെ ആദ്യ പന്തില് തന്നെ ഗപ്റ്റില് സിക്സടിച്ചു. അതിനുശേഷം ഏതാനും സെക്കന്ഡുകള് ചഹറിനെ രൂക്ഷമായി നോക്കുന്നത് വീഡിയോയില് കാണാം. എന്നാല്, തൊട്ടടുത്ത പന്തില് ചഹര് ഗപ്റ്റിലിനെ ബൗണ്ടറി ലൈനില് ഫീല്ഡ് ചെയ്യുകയായിരുന്ന ശ്രേയസ് അയ്യരുടെ കൈകളിലെത്തിച്ചു. ഗപ്റ്റിലിനെ പുറത്താക്കിയ ശേഷം ചഹര് കിവീസ് ബാറ്ററെ രൂക്ഷമായി നോക്കി കണ്ണുരുട്ടി. സിക്സ് പറത്തിയ ശേഷം തന്നെ നോക്കി കണ്ണുരുട്ടിയതിനുള്ള മറുപടിയായിരുന്നു അത്.
— Insider_cricket (@Insidercricket1) November 17, 2021
