അനുബന്ധ വാര്ത്തകള്
- Chennai Super Kings: തലയ്ക്ക് മേലെ എവനും ഇറുക്കാത്..! അഞ്ചാം ഐപിഎല് കിരീടം ചൂടി ചെന്നൈ സൂപ്പര് കിങ്സ്; അവസാന പന്തില് ഫോറടിച്ച് വിജയം സമ്മാനിച്ചത് ജഡേജ
- Chennai Super Kings vs Gujarat Titans: തലയ്ക്കും പിള്ളേര്ക്കും പൊങ്കാലയിട്ട് സായ് സുദര്ശന്, ഗുജറാത്തിന് കൂറ്റന് സ്കോര്
- Shubman Gill: വിരാട് കോലിയുടെ റെക്കോര്ഡ് തൊടാതെ ഗില്; ഈ സീസണില് ആകെ നേടിയത് എത്രയെന്നോ?
- MS Dhoni: തലയ്ക്ക് മുന്നില് എന്തോന്ന് രാജകുമാരന്; ഗില്ലിനെ നൈസായി തൂക്കി ധോണി (Video)
- ഏഷ്യാകപ്പ് സംഘടിപ്പിക്കാൻ ഞങ്ങൾ തയ്യാർ, സന്നദ്ധത അറിയിച്ച് ശ്രീലങ്കൻ ക്രിക്കറ്റ് ബോർഡ്
MS Dhoni: 'വിരമിക്കാന് ഏറ്റവും ഉചിതമായ സമയം ഇതാണ്, പക്ഷേ...!' വൈകാരിക പ്രതികരണവുമായി ധോണി
ചെന്നൈ സൂപ്പര് കിങ്സിനെ അഞ്ചാം കിരീടത്തിലേക്ക് നയിച്ചിരിക്കുകയാണ് ധോണി
MS Dhoni: ഐപിഎല്ലില് നിന്ന് ഇപ്പോള് വിരമിക്കുന്നില്ലെന്ന സൂചന നല്കി മഹേന്ദ്രസിങ് ധോണി. ഗുജറാത്ത് ടൈറ്റന്സിനെ തോല്പ്പിച്ച് ഈ സീസണിലെ കിരീടം ചൂടിയ ശേഷമാണ് ചെന്നൈ സൂപ്പര് കിങ്സ് നായകന്റെ പ്രതികരണം. ശരീരം അനുവദിക്കുമെങ്കില് ഇനിയും കളിക്കുമെന്നും ആരാധകരില് നിന്ന് ഇത്രയധികം സ്നേഹം ലഭിക്കുമ്പോള് കളി അവസാനിപ്പിക്കാന് സാധിക്കില്ലെന്നും ധോണി പറഞ്ഞു.
' വിരമിക്കല് പ്രഖ്യാപിക്കാനുള്ള ഏറ്റവും ഉചിതമായ സമയം ഇതാണ്. എന്നാല് ഈ വര്ഷം ഞാന് എവിടെ പോയാലും എനിക്ക് ആരാധകരില് നിന്ന് കിട്ടിയ സ്നേഹത്തിന്റെയും കരുതലിന്റെയും അളവ് കാണുമ്പോള് എല്ലാവര്ക്കും ആഴത്തിലുള്ള നന്ദി പറയാന് മാത്രമേ സാധിക്കുന്നുള്ളൂ. ഒന്പത് മാസം കഠിനാധ്വാനം ചെയ്ത് ഒരു ഐപിഎല് സീസണില് കൂടി കളിക്കുകയെന്നത് ഏറ്റവും ബുദ്ധിമുട്ടുള്ള കാര്യമാണ്. എല്ലാം ശരീരത്തെ ആശ്രയിച്ചിരിക്കും. ഇക്കാര്യത്തില് തീരുമാനമെടുക്കാന് എനിക്ക് 6-7 മാസങ്ങള് കൂടിയുണ്ട്. അങ്ങനെ സാധിച്ചാല് അത് ആരാധകര്ക്ക് നല്കാന് സാധിക്കുന്ന ഏറ്റവും വലിയ സമ്മാനമായിരിക്കും. അത്ര എളുപ്പമുള്ള കാര്യമല്ലെങ്കിലും അതൊരു സമ്മാനം തന്നെയായിരിക്കും. അവര് കാണിക്കുന്ന സ്നേഹത്തിനും കരുതലിനും അത്രയെങ്കിലും അവര്ക്കായി ചെയ്യണമെന്ന് ഞാന് കരുതുന്നു,' ധോണി പറഞ്ഞു.
ചെന്നൈ സൂപ്പര് കിങ്സിനെ അഞ്ചാം കിരീടത്തിലേക്ക് നയിച്ചിരിക്കുകയാണ് ധോണി. ഐപിഎല്ലില് ഏറ്റവും കൂടുതല് തവണ കിരീടം ചൂടുന്ന ടീമെന്ന റെക്കോര്ഡില് ചെന്നൈ മുംബൈ ഇന്ത്യന്സിനൊപ്പം എത്തുകയും ചെയ്തു. ചെന്നൈ അഞ്ച് തവണ കിരീടം ചൂടിയപ്പോഴും ധോണി തന്നെയായിരുന്നു നായകന്.
