അനുബന്ധ വാര്ത്തകള്
- കോലിയെ പോലെയൊരാൾ ഇങ്ങനെ പറയരുത്: രൂക്ഷവിമർശനവുമായി കപിൽ ദേവ്
- കളിക്കാർ യന്ത്രമനുഷ്യരല്ല: തോൽവിയിലും ഒപ്പം നിൽക്കണം: ഇന്ത്യൻ ടീമിന് പിന്തുണയുമായി കെവിൻ പീറ്റേഴ്സൺ
- ടി 20 ലോകകപ്പ് പരാജയം: ഇന്ത്യ ന്യൂസിലൻഡിന് കാര്യങ്ങൾ എളുപ്പമാക്കി നൽകിയെന്ന് വിവിഎസ് ലക്ഷ്മൺ
- ടി20 ലോകകപ്പിലെ തോൽവിക്ക് കാരണം ഭീരുത്വം, കുറ്റസമ്മതം നടത്തി വിരാട് കോലി
- തുടർച്ചയായ മത്സരങ്ങൾ, ബയോ ബബിൾ, ടീമിന് മുകളിലെ അമിതപ്രതീക്ഷ, സമ്മർദ്ദം, സോഷ്യൽ മീഡിയ ആക്രമണം: കുറ്റം കളിക്കാരുടേത് മാത്രമോ?
ആറ് മാസത്തോളമായി ഞങ്ങൾ തുടർച്ചയായി കളിക്കുന്നു, മടുത്തു, തളർന്നു
അവസാനമില്ലാതെയുള്ള നിരന്തരമായ മത്സരങ്ങൾ തങ്ങളെ തളർത്തിയതായി ഇന്ത്യൻ പേസർ ജസ്പ്രീത് ബുമ്ര. ന്യൂസിലൻഡിനെതിരായ നിർണായകമായ രണ്ടാം മത്സരത്തിലും പരാജയപ്പെട്ടശേഷം വാർത്താസമ്മേളനത്തിൽ സംസാരിക്കവെയാണ് ബുമ്ര ഇക്കാര്യം പറഞ്ഞത്.
ചില സമയങ്ങളിൽ നിങ്ങൾക്ക് ബ്രേക്ക് ആവശ്യമായി വരും. ചിലപ്പോൾ നിങ്ങൾ കുടുംബത്തെ മിസ് ചെയ്യും. ഞങ്ങള് ആറു മാസമായി കളിച്ചു കൊണ്ടേയിരിക്കുകയാണ്. ഞങ്ങളെ സഹായിക്കുന്നതിനു ബിസിസിഐ അവരുടെ കഴിവിന്റെ പരമാവധി ചെയ്തിട്ടുണ്ട്. പക്ഷെ ഇത്രയും കാലം നിങ്ങള് കുടുംബത്തിനൊപ്പം ഇല്ലാതിരിക്കുമ്പോള് എല്ലാം ഇഴഞ്ഞു നീങ്ങുന്നത് പോലെ തോന്നും ബയോബബിളിനോടൊപ്പം ഇത് മാനസികമായും നിങ്ങളെ തളർത്തും ബുമ്ര പറഞ്ഞു.
ഞങ്ങൾ പൊരുത്തപ്പെടുന്നതിന് വേണ്ടി കഴിവിന്റെ പരമാവധി തന്നെ ശ്രമിച്ചിട്ടുണ്ട്. പക്ഷേ കളിക്കുന്നതിനായി ഗ്രൗണ്ടിലെത്തിയാൽ അതേപറ്റിയൊന്നും ചിന്തിക്കാറില്ല. ഏതെല്ലാം ടൂർണമെന്റുകൾ ഇനി കളിക്കാൻ ഉണ്ട് എന്നതടക്കം ഒരുപാട് കാര്യങ്ങൾ നമ്മുടെ നിയന്ത്രണത്തിൽ വരുന്നതല്ല. ബുമ്ര പറഞ്ഞു.
