India vs Australia:മഴ ആവേശം കെടുത്തിയ പോരാട്ടം, ഗാബ ടെസ്റ്റ് സമനിലയിൽ
Indian Team
ആദ്യ ഇന്നിങ്ങ്സില് ട്രാവിസ് ഹെഡിന്റെയും സ്റ്റീവ് സ്മിത്തിന്റെയും സെഞ്ചുറികളുടെ ബലത്തില് 445 റണ്സ് നേടിയ ഓസ്ട്രേലിയക്ക് മറുപടി ബാറ്റിംഗിനിറങ്ങിയ ഇന്ത്യന് ഇന്നിങ്ങ്സ് 260 റണ്സില് അവസാനിച്ചിരുന്നു. 9 വിക്കറ്റുകള് വീണിട്ടും മത്സരത്തില് ഫോളോ ഓണ് ഒഴിവാക്കാനായതാണ് ഇന്ത്യയ്ക്ക് നിര്ണായകമായത്. മഴ ഇടക്കിടെ മത്സരം തടസ്സപ്പെടുത്തുന്നതിനാല് ഇന്ത്യയെ പെട്ടെന്ന് ബാറ്റിംഗിനയക്കുവാനായിരുന്നു ഓസ്ട്രേലിയന് പദ്ധതി. സ്കോറിംഗ് പെട്ടെന്ന് ഉയര്ത്താന് ശ്രമിച്ച ഓസീസിന് 89 റണ്സ് എടുക്കുന്നതിനിടെ 7 വിക്കറ്റുകള് നഷ്ടമായി. 275 റണ്സ് വിജയലക്ഷ്യവുമായി ഇന്ത്യ ബാറ്റിംഗിനിറങ്ങി മിനിറ്റുകള്ക്കുള്ളില് മത്സരം മഴ തടസ്സപ്പെടുത്തുകയായിരുന്നു. ആദ്യ ഇന്നിങ്ങ്സില് സെഞ്ചുറിയുമായി തിളങ്ങിയ ഓസീസ് താരമായ ട്രാവിസ് ഹെഡാണ് മത്സരത്തിലെ താരം. ഗാബ ടെസ്റ്റ് സമനിലയിലായതോടെ പരമ്പരയില് ഇരു ടീമുകളും ഓരോ മത്സരം വിജയിച്ച് 1-1 എന്ന നിലയിലാണ്.
