അനുബന്ധ വാര്ത്തകള്
- കളി സിംബാബ്വേയും അയർലൻഡും തമ്മിൽ, നെഞ്ചിടിപ്പ് പക്ഷേ ഓസീസിന്, വല്ലാത്ത ഗതികേടെന്ന് ആരാധകർ
- Australia vs Srilanka : ശങ്കയില്ലാതെ നിസങ്കയുടെ അടി, ഓസ്ട്രേലിയയെ ലോകകപ്പിൽ നിന്നും തുരത്തി ശ്രീലങ്ക
- India vs Netherlands, T20 World Cup: ബുംറയ്ക്കു വിശ്രമം, സഞ്ജുവിനു അവസരം? ഇന്ത്യ നാളെ നെതര്ലന്ഡ്സിനെതിരെ
- T20 World Cup 2026: സൂപ്പര് എട്ട് കാണാതെ ഓസ്ട്രേലിയ പുറത്താകുമോ? സാധ്യതകള് ഇങ്ങനെ
- നിനക്കൊന്നും ക്യാച്ച് പിടിക്കാനറിയില്ലെ, ഇഷാനോടും കുൽദീപിനോടും പൊട്ടിത്തെറിച്ച് ഹാർദ്ദിക്
സിംബാബ്വെ-അയർലൻഡ് മത്സരം മഴമൂലം ഉപേക്ഷിച്ചു; ഓസ്ട്രേലിയ ലോകകപ്പിൽ നിന്ന് പുറത്ത്
ഗ്രൂപ്പ് ഘട്ടത്തിൽ സിംബാബ്വെയോടും ശ്രീലങ്കയോടും ഓസ്ട്രേലിയ തോൽവി വഴങ്ങിയിരുന്നു
Australia - T20 World Cup 2026
മുൻ ചാംപ്യൻമാരായ ഓസ്ട്രേലിയ ട്വന്റി 20 ലോകകപ്പിൽ നിന്ന് പുറത്ത്. സിംബാബ്വെ-അയർലൻഡ് മത്സരം മഴമൂലം ഉപേക്ഷിച്ചതാണ് ഓസ്ട്രേലിയയ്ക്കു തിരിച്ചടിയായത്. ഗ്രൂപ്പ് ബിയിൽ നിന്ന് ശ്രീലങ്കയും സിംബാബ്വെയും സൂപ്പർ എട്ടിലേക്ക് പ്രവേശിച്ചു. ഓസ്ട്രേലിയ, അയർലൻഡ്, ഒമാൻ എന്നിവർ പുറത്ത്.
ഗ്രൂപ്പ് ഘട്ടത്തിൽ സിംബാബ്വെയോടും ശ്രീലങ്കയോടും ഓസ്ട്രേലിയ തോൽവി വഴങ്ങിയിരുന്നു. സൂപ്പർ എട്ടിലേക്കു എന്തെങ്കിലും സാധ്യത അവശേഷിച്ചിരുന്നെങ്കിൽ അത് ഇന്നത്തെ മത്സരത്തിൽ അയർലൻഡ് സിംബാബ്വെയെ പരാജയപ്പെടുത്തിയാൽ മാത്രമായിരുന്നു. അങ്ങനെയിരിക്കെയാണ് മത്സരം മഴമൂലം ഉപേക്ഷിച്ചതും ഇരു ടീമുകൾക്കും ഓരോ പോയിന്റ് വീതം ലഭിച്ചതും. ഇത് ഓസ്ട്രേലിയയുടെ സാധ്യത പൂർണമായും ഇല്ലാതാക്കി.
സൂപ്പർ എട്ട് ഗ്രൂപ്പ് ഒന്നിൽ ഇന്ത്യ, വെസ്റ്റ് ഇൻഡീസ്, സിംബാബ്വെ, ദക്ഷിണാഫ്രിക്ക എന്നിങ്ങനെയാണ് ഉള്ളത്. സൂപ്പർ എട്ടിൽ അതാത് ഗ്രൂപ്പിലെ മറ്റു മൂന്ന് ടീമുകൾക്കെതിരെയാണ് ഒരു ടീം കളിക്കേണ്ടത്. ദക്ഷിണാഫ്രിക്കയ്ക്കെതിരായ ഇന്ത്യയുടെ സൂപ്പർ എട്ട് മത്സരം ഫെബ്രുവരി 22 നു നടക്കും. സിംബാബ്വെയ്ക്കെതിരെ ഫെബ്രുവരി 26 നും വെസ്റ്റ് ഇൻഡീസിനെതിരെ മാർച്ച് ഒന്നിനുമാണ് ഇന്ത്യ കളിക്കുക.
