ഇത്തരം ഒരു സാഹചര്യത്തില്‍ നിന്നു കളിക്കുകയും സിംഗിളുകളും ഡബിളുകളുമെടുത്ത് ഫീല്‍ഡിംഗ് ടീമിനെ ആശയക്കുഴപ്പത്തില്‍ എത്തിക്കുകയും ചെയ്യുന്ന ഓസ്ട്രേലിയയുടെ തന്ത്രം തന്നെ ഇന്ത്യയും പിന്തുടരണമായിരുന്നു. ഇന്ത്യന്‍ ഇന്നിംഗ്‌സുകളില്‍ ഇടയ്‌ക്കെല്ലാം നല്ല സ്കോര്‍ വന്നെങ്കിലും ടീമിന് ആവശ്യമുള്ള നിലയിലായിരുന്നില്ല ഇത്.
തുടര്‍ച്ചയായി വിക്കറ്റ് നഷ്ടം കൂടിയാകുമ്പോള്‍ സംഗതി ക്ലീന്‍. മുന്‍നിരക്കാര്‍ പരാജയപ്പെട്ടാല്‍ യാതൊരു നാണവുമില്ലാതെ പുറകെ ഘോഷയാത്ര നടത്തുന്ന ബാറ്റ്‌സ്‌മാന്‍‌മാരുടെ പതിവ് ഇന്ത്യ സ്വന്തം മണ്ണിലും തെറ്റിച്ചില്ല.
ഇത്രയധികം ബാറ്റ്‌സ്‌മാന്‍‌മാരുള്ള ഇന്ത്യയെ പ്രതിരോധിക്കാന്‍ നല്ല സ്കോര്‍ തന്നെ വേണമെന്നു ഓസീസിനറിയാം. വിക്കറ്റുകള്‍ പോകുമ്പോഴും സിംഗിളുകളും ഡബിളുകളുമായി സ്കോര്‍ ശരാശരി താഴാതെ നിലനിര്‍ത്താന്‍ ഓസീസിനു കഴിഞ്ഞു. ഇക്കാര്യത്തിലാണ് സൈമണ്‍സിനേയും മൈക്കല്‍ ക്ലാര്‍ക്കിനേയും ഹെയ്‌‌ഡനേയും പോണ്ടിംഗിനേയുമെല്ലാം ഇന്ത്യാക്കാര്‍ നമിച്ചു പോകുന്നത്.
WEBDUNIA|
ഓസ്ട്രേലിയയെ പോലൊരു വമ്പന്‍ ടീമിനെ ചേസ് ചെയ്യുമ്പോള്‍ മുട്ടു വിറയ്‌ക്കുന്നു എന്നത് വര്‍ഷങ്ങളായി ഇന്ത്യയുടെ ശാപമാണ്. ഇതു തന്നെയായിരുന്നു രണ്ട് ഏകദിനത്തിലും കണ്ടത്. രണ്ടാം മത്സരം 84 റണ്‍സിനാണ് പരാജയപ്പെട്ടതെങ്കില്‍ മൂന്നാമത്തെ മത്സരം 47 റണ്‍സിനായിരുന്നു തോറ്റത്.
വലിയ സ്കോര്‍ പിന്തുടരുമ്പോള്‍ മുന്‍‌നിര ബാറ്റ്‌സ്‌മാന്‍‌മാര്‍ സമ്മര്‍ദ്ദത്തില്‍ പെട്ടു പോകുന്നു. തുടക്കത്തിലെ വേഗവും താളവും നഷ്ടപ്പെടുന്ന ബാറ്റിംഗ് സ്ലോഗ് ഓവറുകളില്‍ വലിയ സമ്മര്‍ദ്ദത്തിലേക്കു നയിക്കുമെന്ന പ്രാഥമിക പാഠം പോലും ഇന്ത്യ മറന്നു.
ഗില്‍ക്രിസ്റ്റ് എന്ന അപകടകാരി തുടക്കത്തില്‍ പുറത്തായാലും ആദ്യ നാലു വിക്കറ്റുകള്‍ നഷ്ടപ്പെട്ടാല്‍ പോലും ഓസ്ട്രേലിയ മദ്ധ്യനിരക്കാരിലൂടെ മുന്നേറും എന്നതിന് മഴ കൊണ്ടു പോയ ആദ്യ മത്സരം തന്നെ മികച്ച ഉദാഹരണമാണ്.
