കോഴിക്കോട്: കോഴിക്കോട് ജില്ലയിലെ രണ്ട് സ്ഥലങ്ങളിലായി രണ്ട് പേര്‍ കോവിഡ് ബാധ മൂലം മരിച്ചു. കക്കട്ടില്‍ അരൂര്‍ പെരുമുണ്ടച്ചക്കറി തെക്കേ കരുവാണ്ടിയില്‍ പരേതനായ ചാത്തുവിന്റെ മകന്‍ നാണു അമ്പത്തഞ്ചുകാരന്‍ കോവിഡ് ബാധിച്ച് മരിച്ചു. ഇദ്ദേഹം മറ്റു രോഗങ്ങള്‍ക്കും ചികിത്സയിലായിരുന്നു.

വടകര സര്‍ക്കാര്‍ ജില്ലാ ആശുപത്രിയില്‍ നടത്തിയ പരിശോധനയിലാണ് ഇദ്ദേഹത്തിന് മൂന്നു ദിവസം മുമ്പ് കോവിഡ് സ്ഥിരീകരിച്ചത്. പിന്നീട് ഇദ്ദേഹത്തെ കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റിയിരുന്നു.

മറ്റൊരു കോവിഡ്
മരണം നാദാപുരത്താണ് റിപ്പോര്‍ട്ട് ചെയ്തത്. നാദാപുരം ടി.ഐ.എം ഹൈസ്‌കൂള്‍ റിട്ടയേഡ് പ്രധാനാധ്യാപകന്‍ പുളിക്കല്‍ മൊയ്തു മാസ്റ്റര്‍ എന്ന 77
കാരണാണ് മരിച്ചത്. കോഴിക്കോട്ടെ ഒരു സ്വകാര്യ ആശുപത്രിയില്‍ ചികിത്സയിലായിരുന്നു ഇദ്ദേഹം.