മോഹൻലാൽ നായകനായ ബിഗ്ബ്രദർ സിനിമക്കെതിരായി നടക്കുന്ന സൈബർ ആക്രമണങ്ങൾ ആസൂത്രിതമാണെന്ന് സംവിധായകൻ സിദ്ദിഖ്. താനടക്കമുള്ള പഴയ തലമുറ സംവിധായകരോട് ശത്രുത ഉള്ള ചിലരുണ്ടെന്നും ഞങ്ങളെ ഇല്ലാതാക്കിയാൽ ആർക്കൊക്കെയോ ഇവിടെ വരാമെന്ന ധാരണയുണ്ടെന്നും സിദ്ദിഖ് പറഞ്ഞു.

സിനിമയിലുള്ളവർ തന്നെയാണ് സിനിമയെ നശിപ്പിക്കുന്നത്. അതിനുപിന്നിൽ നിക്ഷിപ്ത താല്പര്യങ്ങളുണ്ട്. ഒരാൾ വീഴുമ്പോൾ സന്തോഷിക്കുന്നവർ ഇതിനെതിരെ ഒന്നിച്ചുനിൽക്കാത്തത് സ്വാഭാവികമാണെന്നും സിദ്ദിഖ് പറഞ്ഞു. ഞാനടക്കമുള്ള സംവിധായകരുടെ തലമുറയോട് പലർക്കും ശത്രുതയുണ്ട്. അതുകൊണ്ട് തന്നെ ഇവിടെ ഏറ്റവും കൂടുതൽ ആക്രമിക്കപ്പെടുന്നത് പഴയകാല സംവിധായകരാണെന്നും സിദ്ദിഖ് പറഞ്ഞു.