അനുബന്ധ വാര്ത്തകള്
- ഇത് നിന്റെ വെള്ളിയാഴ്ചയാണ്...ഉമ്മയുടെ മുഖത്തെ ചിരി തന്നെയാണ് നിന്റെ വിജയം,ആര്.ഡി.എക്സ് സംവിധായകനോട് തിരക്കഥാകൃത്ത് അഭിലാഷ് പിള്ള
- നമ്പി സര്... വീണു പോകുന്നിടങ്ങളില് കരകയറുന്നത് ആ പുസ്തകത്തിലൂടെയാണ്, നന്ദി പറഞ്ഞ് സംവിധായകന് പ്രജേഷ് സെന്
- ചെറുപ്പത്തില് ശരീരത്തെ ഒരുപാട് വിമര്ശിച്ചിരുന്നു, നിങ്ങളുടെ രൂപത്തെയോര്ത്ത് ഒരിക്കലും വിഷമിക്കരുത്: ആലിയ ഭട്ട്
- നിതീഷ് തിവാരിയുടെ രാമായണത്തിൽ യാഷ് രാവണനാകുന്നു, ആലിയ ഭട്ട് ചിത്രത്തിൽ നിന്നും പിന്മാറിയതായി റിപ്പോർട്ട്
- Highrich OTT Onam releases: ഓണം ഒടിടിയിൽ ആഘോഷിക്കാം, പുത്തൻ റിലീസുകളായി 7 സിനിമകൾ
ദുല്ഖറിനെ വീഴ്ത്താന് നിവിന്; ബോസും പിള്ളേരും തിയറ്ററുകളില്
നിവിന് പോളിയെ നായകനാക്കി ഹനീഫ് അദേനി സംവിധാനം ചെയ്ത 'രാമചന്ദ്ര ബോസ് ആന്റ് കോ' തിയറ്ററുകളില്. ഓണം റിലീസായി തിയറ്ററുകളിലെത്തിയിരിക്കുന്ന ചിത്രം ഹ്യൂമറിനാണ് കൂടുതല് പ്രാധാന്യം നല്കിയിരിക്കുന്നത്. തുടര് പരാജയങ്ങളില് നിന്ന് കരകയറാന് നിവിന് പോളിക്ക് സാധിക്കുമോ എന്നാണ് ആരാധകര് ഉറ്റുനോക്കുന്നത്. സമീപകാലത്ത് പറയത്തക്ക ഹിറ്റുകളൊന്നും നിവിന് ലഭിച്ചിട്ടില്ല. ബോക്സ്ഓഫീസില് പഴയ പ്രതാപം തിരിച്ചുപിടിക്കാന് ബോസിനും കൂട്ടര്ക്കും കഴിയുമെന്നാണ് ആരാധകര് അവകാശപ്പെടുന്നത്.
ഇന്നലെ റിലീസ് ചെയ്ത ദുല്ഖര് സല്മാന് ചിത്രം കിങ് ഓഫ് കൊത്തയോടാണ് നിവിന് പോളി ചിത്രം മത്സരിക്കുന്നത്. കിങ് ഓഫ് കൊത്തയ്ക്ക് സമ്മിശ്ര പ്രതികരണങ്ങള് ആണ് ആദ്യ ദിനം ലഭിച്ചത്. കുടുംബ പ്രേക്ഷകരെ തൃപ്തിപ്പെടുത്താന് കിങ് ഓഫ് കൊത്തയ്ക്ക് സാധിച്ചിട്ടില്ല. അതുകൊണ്ട് തന്നെ പോസിറ്റീവ് റിപ്പോര്ട്ടുകള് ലഭിച്ചാല് ബോസ് ആന്റ് കോ തിയറ്ററുകളില് വലിയ വിജയമാകുമെന്ന് ഉറപ്പാണ്. ഏതാനും മണിക്കൂറുകള്ക്കുള്ളില് ചിത്രത്തിന്റെ ആദ്യ പ്രതികരണങ്ങള് പ്രേക്ഷകരിലേക്ക് എത്തും.
ജാഫര് ഇടുക്കി, വിനയ് ഫോര്ട്ട്, വിജിലേഷ്, മമിത ബൈജു, അര്ഷ ബൈജു തുടങ്ങിയവരെല്ലാം ചിത്രത്തില് ശ്രദ്ധേയമായ വേഷങ്ങള് അവതരിപ്പിക്കുന്നു. മിഥുന് മുകുന്ദന് ആണ് സംഗീതം. ഹനീഫ് അദേനിയും നിവിന് പോളിയും ആദ്യമായി ഒന്നിച്ച മിഖായേല് തിയറ്ററുകളില് വന് പരാജയമായിരുന്നു.
