ശ്വേത മേനോൻ, നിത്യദാസ് എന്നിവർ കേന്ദ്ര കഥാപാത്രങ്ങളായി എത്തുന്ന പുതിയ ചിത്രമാണ് പള്ളിമണി.കലാ സംവിധായകനും ബ്ലോഗറുമായ അനിൽ കുമ്പഴ സംവിധാനം ചെയ്യുന്ന ചിത്രം റിലീസിന് മുമ്പേ കണ്ട് സംവിധായകൻ വിനയൻ.ഉടൻതന്നെ തീയറ്ററുകളിൽ ചിത്രം എത്തുമെന്നും അദ്ദേഹം പറയുന്നു.

'എന്റെ കൂടെ നിരവധി സിനിമകളിൽ സഹകരിച്ചിട്ടുള്ള അനിൽ കുമ്പഴ ആദ്യമായി സംവിധാനം നിർവ്വഹിച്ച 'പള്ളിമണി' എന്ന സിനിമ ഇന്നു കണ്ടു..

പുതുമുഖ സംവിധായകൻ എന്ന നിലയിൽ അനിൽ അഭിനന്ദനം അർഹിക്കുന്നു...ഭാവനാശാലിയായ ഒരു നല്ല സംവിധായകനെ അനിലിലൂടെ പ്രതീക്ഷിക്കാം... ഉടൻതന്നെ തീയറ്ററുകളിൽ എത്തുന്ന പള്ളിമണിയുടെ നിർമ്മാതാവ് ലഷ്മി അരുൺ മേനോനും, അനിലിനും ടീമിനും ആശംസകൾ'- വിനയൻ കുറിച്ചു.

ഒരു രാത്രിയിൽ അപരിചിതമായ സ്ഥലത്ത് ഒറ്റപ്പെട്ടു പോകുന്ന ദമ്പതികളുടെയും അവരുടെ രണ്ടു ചെറിയ കുട്ടികളുടെയും അതിജീവനത്തിൻറെ കഥയാണ് സിനിമ പറയുന്നത്.എൽ എ പ്രൊഡക്ഷൻസിന്റെ ബാനറിൽ അഹമ്മദാബാദിലെ മലയാളി ദമ്പതികളായ ലക്ഷ്മി അരുൺ മേനോൻ എന്നിവർ ചേർന്നാണ് ചിത്രം നിർമ്മിക്കുന്നത്.