'എമ്പുരാന്‍'നുളള കാത്തിരിപ്പ് അവസാനിക്കുന്നു, ചിത്രത്തെ കുറിച്ചൊരു അപ്‌ഡേറ്റ് നല്‍കി മുരളി ഗോപി

കെ ആര്‍ അനൂപ്| Last Modified തിങ്കള്‍, 29 മാര്‍ച്ച് 2021 (11:02 IST)

'ലൂസിഫര്‍' പ്രേക്ഷകരിലേക്കെത്തി രണ്ടുവര്‍ഷം പിന്നിടുമ്പോള്‍ 'എമ്പുരാന്‍'നെ കുറിച്ച് പുതിയ അപ്‌ഡേറ്റ് നല്‍കിയിരിക്കുകയാണ് മുരളി ഗോപി. 2019 മാര്‍ച്ച് 28 നാണ് 'ലൂസിഫര്‍' റിലീസ് ചെയ്തത്. 'എമ്പുരാന്‍'ന് വേണ്ടി ഇനി അധികം കാത്തിരിക്കേണ്ടി വരില്ലെന്ന് സൂചന നല്‍കിയിരിക്കുകയാണ് മുരളി ഗോപി.

'ഇപ്പോള്‍, അതാണ്: എല്ലാവരും അടുത്ത പതിപ്പിനായി കാത്തിരിക്കുന്നു. സമയം ആരംഭിക്കുന്നു, ഇപ്പോള്‍. 2 വര്‍ഷം മുമ്പ് ലൂസിഫര്‍.'എമ്പുരാന്‍'നിലേക്ക് ഒരുവര്‍ഷം'-മുരളീഗോപി കുറിച്ചു.

മോഹന്‍ലാല്‍, പൃഥ്വിരാജ്, ആന്റണി പെരുമ്പാവൂര്‍ എന്നിവര്‍ക്കൊപ്പം ഉള്ള ഒരു ചിത്രവും അദ്ദേഹം പങ്കുവച്ചു.'എമ്പുരാന്‍'ഒരു വര്‍ഷത്തിനുള്ളില്‍ എത്തുമെന്ന് പൃഥ്വിരാജും അറിയിച്ചു.2022 പകുതിയോടെ എമ്പുരാന്‍ തുടങ്ങാന്‍ ആലോചിക്കുകയാണ് അണിയറപ്രവര്‍ത്തകര്‍. ഇത് സംബന്ധിച്ച കൂടുതല്‍ വിവരങ്ങള്‍ അടുത്തുതന്നെ പുറത്തുവരും. സ്റ്റീഫന്‍ നെടുമ്പള്ളിയില്‍ നിന്ന് ഖുറേഷി അബ്രാം എന്ന ഡോണ്‍ ആയിട്ടായിരിക്കും മോഹന്‍ലാല്‍ ചിത്രത്തിലുടനീളം പ്രത്യക്ഷപ്പെടുക. ലൂസിഫര്‍ അവസാനിച്ചത് ഇതിനുള്ള സൂചന നല്‍കിക്കൊണ്ടാണ്.



ഇതിനെക്കുറിച്ച് കൂടുതല്‍ വായിക്കുക :